گیارہ اکتوبر دو ھزار آٹھ سنیچر کی شام چھ بجے سڈنی کےگرینول ٹاؤن  ھال میں میں ایک رنگا رنگ تقریب “ نوترنگ ریڈیو اینڈ فسقا( فیجی انڈین سوشل کلچرل آرگنائزیشین آف آسٹریلیا)  سمال بزنز اینڈ کمیونٹی ایوارڈ “ کے نام سے منقعد ھوئی جو ڈایریکٹر نوترنگ میڈیا گروپ مسٹر پرکاش چندرا اور مسز سینی پرکاش نے  سجائی
 جسے لیورپول سٹی کونسل ، ھریش پرساد اینڈ ایسوسیٹس ، زوم فنانس اینڈ پراپرٹی ،سینٹ جارج بینک لیورپول اور لائٹ ھاؤس( جیسس کالز ) والوں نے سپانسر کیا ۔

اس محفل میں چیف گیسٹ کے طور پر ممبر پارلیمنٹ آف نیو ساؤتھ ویلز “پال لنچ “ نے شرکت کی ۔

 اُن کے علاوہ سینٹ جاج بنک بزنس ڈیولپمنٹ آرگنائزیشین کے پریزیڈنٹ مایئکل کارٹر ، پریزیڈنٹ یونایئٹڈ انڈین ایسوسیشن راج نت راجن اور لیور پول کی میر “وینڈی والر “ نے خصوصی طور پر شرکت کی اور آخر تک محفل کا حصہ بنے رھے ۔
 
تقریب میں  خاص طور پر جو بات سامنے آئی وہ اُس تقریب کا ملٹی کلچرل ھونا تھا۔ اس تقریب میں فیجین  ، انڈین ، پاکستانی ۔ بنگلہ دیشی کمیونٹی کے علاوہ آسٹریلنز کی بہت بڑی  تعداد نے میں شرکت کی ۔

پروگرام کا آغاز پنڈت ھری پرساد کی پکار “اوم“ سے ھوا ۔ پھر پاسٹر جیک رام کے بعد جناب محمد شریف نے اللہ سبحان تعالی کی حمد و ثنا فرمائی ۔ پروگرام کا باقاعدہ آغاز ھوا تو شیراز علی جو ریڈیو نوترنگ پر دس سال سے زائد عرصے سے اناؤنسر کے فرائض انجام دے رھے ھیں ۔

آج اُن کی آواز ریڈیو پر نہیں تھی بلکہ سامنے اسٹیج پر سے آرھی تھی ۔ شیراز علی نے آتے ھی سب کو کہا کہ آج کا پروگرام انگلش اردو اور ھندی میں مکس ھو گا اور پھر پروگرام واقعی آخر تک اپنی دلچسپی کو اس طرح سے برقرار رکھے ھوا تھا کہ مہمان خصوصی “پال لنچ“  بھی آخر تک بیٹھے رھے اور پروگرام کی تعریف کرتے رھے ۔

پروگرام میں کمیونٹی ایوارڈ کے لیئے مختلف مہمانٍ خصوصی کی ساتھ ساتھ دو اناؤنسرز  اعلان کرنے کے لیئے آتے رھے ۔

اس دوران کھانے اور چائے کا دور بھی چلتا رھا۔  پروگرام کے آخری حصہ میں“ نوترنگ اسٹاف ایوارڈ “بھی شامل تھے جس کے لیئے ڈاکٹر نگہت نسیم نے اسٹیج سنبھالا اور باری باری سب کے ناموں کا اعلان کیا۔ریڈیو نوترنگ کے منیجر ڈاریکٹر مسٹر پرکاش اور مسز سنی پرکاش نے  ڈاکٹر نگہت نسیم کو “بہترین اناؤنسر “ کا ایوارڈ دیا۔ تقریب کے آخر میں  انہوں نے ایوارڈ پانے والے تمام کامیاب امیدواروں  کو مبارکباد دی ۔

سارے پروگرام کو رنگ برنگے گیتوں اور ڈانسز سے سجایا گیا تھا جس میں خاص طور پر “انڈین ڈانس سینٹر بولی ووڈ ڈانس“ اور “ “انڈین ڈانس سینٹر پنجابی بھانگڑا “ کے گروپ نے محفل میں جان ڈالے رکھی ۔  سڈنی کے معروف گلوکار جناب ریاض شاہ اور ڈاکٹر ارون کمار کے ساتھ پیا ادتی نے بھی بہت خوبصورت گیت سنائے اور محفل کہ رونق کو بڑھائے رکھا ۔

 اور یوں ایک رنگارنگ ملٹی کلچر تقریب جو شام چھ بجے شروع ھوئی تھی رات کے گیارہ بجے   انتظامیہ کی طرف سے “وشی شرما“  کے شکریہ پر اپنے اختتام کو پہنچی ۔