میرے  سوہنیا ربا
پڑھنے کو جب میں نے تیرے نام کو ان سانسوں سے لکھا
من مسجد کے طاق سے تیری وحدت والا قاعدہ نکالا
پہروں اسکو  دیکھا، چوما
کبھی پھر اک اک حرف کھنگالا
پر کبھی بھی پورا نہ اسے پڑھ  پائی ربا
کبھی میں سہمی ، کبھی ڈری اور پھرگھبرائی
تو تو جانتا ہے نامیرے  سوہنیا ربا
قاعدے میں لکھا پہلا حرف “الف “ جس میں دل ہے میرا اٹکا
مجھے خبر کیا
 الف کے بعد اب  “ ب “  میں سو ہنیا کیا ہے رکھا
مجھے معاف کر دے  ربا ، سوہنیا بخش میری کوتاہی
جو الف کی  بات ہے وہ “ب“ میں بھی ربا سمجھ  نہ پائی
اب مجھ  بے خبری کو کیسی خبر  کہ  آگے اور تھا کیا کچھ پڑھنا
“ ع  “ اور “ غ “ کے بعد ابھی تواور بھی  بہت  کچھ تھا سمجھنا
پر میں اب کیا کرؤں ربا
دل ہے “الف “ میں  اٹکا
روشن ہوئی ہیں آنکھیں جب سے الف کا سرمہ  ڈالا
دل کے بند کواڑ کھلے جب من میں میرے الف نے  ڈیرا ڈالا
برسوں  بیتے ۔۔ عمر گنوائی ۔۔۔پلے کچھ نہ مایا
الف سے اللہ ۔۔الف سے اللہ ۔۔ الف سے اللہ
یاد رکھ ۔۔ نگہت نسیم  یہ وظیفہ
ایک الف  تیرا سرمایہ
اس الف نے ہی سمجھایا
سچ تو یہ ہے بعد الف کے ۔۔۔
 مجھے کچھ  بھی سمجھ نہ آیا