اللہ کے حبیب،نور مجسم،خلق اول، جد الحسنین حضرت محمد صلی الہ علیہ وآلہ وسلم کے یوم ظہور کی مناسبت سے گزشتہ دنوں سویڈن کے شہر سٹاک ہولم میں محترمہ قمر ملک کے گھر پر محفل میلاد کا اہتمام کیا گیا تھا جس میں علاقے کی خواتین کے لیئے مضافات سے آنے والی خواتین کی بڑی تعداد میں شرکت کی۔

محفل میلاد میں خواتین مقررین نے اپنے خطاب میں کہا کہ اللہ نے اپنے حبیب کو سارے جہانوں کے لیئے رحمت بنا کر بھیجا تھا اور اللہ کے اس آخری رسول نے اپنی رحمت سے ہی عرب کے ریگزار کو اخلاق حسنہ کا گلزار بنا دیا۔ مقررین نے اس بات پر زور دیا کہ آج سب سے زیادہ ضرورت اسلام کے بنیادی اصولوں کو اپنانے کی اور حضور ختمی مرتبت کے اسوہء حسنہ پر عمل کرنے کی ہے۔

محفل میلاد میں عابدہ مظفر اور قمر ملک کے علاوہ دیگر خواتین نے بھی اللہ کے حبیب کے حضور نعتوں کا نزرانہ پیش کیا اور اس طرح میلاد کی فضا درود و سلام سے عطر بیز ہوتی رہی۔ عابدہ مظفر نے ایک سے زیادہ نعتیں پیش کیں لیکن یہ نعت خاص طور پر پسند کی گئی۔

زباں پر شکوہء رنج و الم لایا نہیں کرتے
نبی کے نام لیوا غم سے گھبرایا نہیں کرتے

خواتین نے باہم مل کر حضور پرنور کی بارگاہ میں ھدیہ سلام بھی پیش کیا۔

میلاد کے اختتام پر میزبان قمر ملک نے مہمانوں کے لیئے کھانے کا اہتمام کیا تھا