دخترانِ زینبی کی ایک نشست روبینہ جاوید مرتضیٰ کی صدارت میں منعقد ہوئی جس میں میڈیا میں نقل کیے  گیے  کلب جوا دنقوی کہ اُس بیان پر سخت احتجاج کیا جس میں مبینہ طور پر انہوں نے عورتوں کا کام بچے پیدہ کرنا بتا یا ہے۔ شرکاءنے کہا کہ اگر یہ سچ ہے تو انتہائی بدقسمتی کی بات ہے اور اسلام کے قوانین کی توہین اور قوم کی رسوائی کا سبسب ہے ۔ دختران زینبی اس پر سخت احتجاج کرتی ہے۔

شیعہ قوم وہ قوم ہے جو اپنی ہر محفل کا آغاز حدیث کساءسے کرتی ہے جسمیں اہلیبت کا تعارف کسی مردکی معرفت نہ کرا کر جگر گوشہ رسول حضرت فاطمہ زہرا سلام اﷲ علیہاکے تعلق سے کرایا گیا ہے اور یہ کہہ کر کہ ” ہم فاطمہ و ابوہا و بعلہا و بنوہا“ یہ بتا دیا گیا ہے کہ مرکز سفینہ  نجات خاتون جنت کی شخصیت ہے۔

یہ انتہای افسوس کی بات ہے کہ ایسی قوم کی علمیت کا دعوہ کرنے والے مولوی کے جاہلانہ اسلام مخالف بیان کی وجہ سے پوری قوم کو تمام دنیا کے سامنے شرمندہ ہونا پڑ رہا ہے۔ اسلامی تاریخ فلسفہ اور علم کا ڈھونگ رچانے والے شاید جانتے ہی نہ ہوں کہ عورت اگر فعال نہ ہوتی تو حضرت موسیٰ کی حفاظت کرنے کے لیے آسیہ نہ ہوتیں۔ حضرت رسول خدا کے مشن کی کامیابی کے لیے انکے شانہ بہ شانہ خدیجتہ الکبریٰ نہ ہوتیں۔ انکی زحمتوں کے وقت میں انکا مرہم دل فاطمہ نہ ہوتیں ۔ اور تو اور ناشر پیغام کربلا فرح کوفہ و شام زینب علیان سلام اﷲ علیہا نہ ہوتیں

اسلام کی تمام تر تاریخ عظیم اور فعال عورتوں کی گراں قدر خدمات سے بھری پڑی ہے قرون اولیٰ سے حضرت اسمیٰ بنتِ عمیس کا نام لیا جانا اور عصرِ حاضر سے شہید خامس استاذ باقر الصدر کی بہن کا نام لیا جانا جو بھائی کے شانہ بہ شانہ میدانِ عمل میں رہ کر شہید ہویں یا پھر آیت اﷲ خمینی کی لایق و فایق دختر کا نام لیا جانا کافی ہے۔ اسلام کہیں بھی عورت کو گھر میں قید رہنے کا حکم نہیں دیتا۔ اسلام صرف اور صرف عورت کو ایک با عزت زندگی دینے کی خاطر اور اسے ہر معاشرہ میں پایے جانے والے چند ہوس راں مجرم صفت مردوں سے محفوظ رکھنے کے لیے ایک ڈیسنٹ ڈریس کوڈ بتاتا ہے جو قران میں واضح طور پر بتا دیا گیا ہے۔ جن لوگوں کو یہ نہ معلوم ہو انکو چاہیے کہ شہید مرتضیٰ مطہری کی کتاب ”اسلام میں مسلہ  حجاب“ اور ”اسلام میں عورتوں کی حقوق“ کا پھر سے مطالعہ کر لیں۔یہ عورتیں ہی تھیں جنہوں نے انقلابِ ایران کو کامیاب بنایا اور جو اپنے بھائیوں کے شانہ بہ شانہ عراق سے جنگ کے موقعہ پر محاذ پر موجود رہیں۔ یہ کہنا انتہا ئی درجہ افسوسناک ہے کہ ایران، ایران ہے اور ہندوستان ایران نہیں ہے۔ کیا ایسا کہنے والا یہ کہنا چاہتا ہے کہ خدا نخواستہ ہندوستان کی عورتیں دوسرے ممالک کی اپنی بہنوں کی بہ نسبت صلاحیت، عزم یا عفت میں کم تر ہیں؟

حالانکہ جو لوگ لکھنو میں تحریک عزاداری کی تاریخ کی شد بد بھی رکھتے ہیں وہ جانتے ہیں کہ جلوس عزا کی بحالی علی کانگریس اور دخترانِ زینبی کی پکار پر عورتوں کی فعال شمولیت کے بغیر نا ممکن تھی۔ اسکے علاوہ علی کانگریس اور دخترانِ زینبی کی کوششوں سے نماز جمعہ میں عورتیں کثیر تعداد میں شامل ہونے لگی تھیں مگر مسجد پر قابض مفاد پرستوںکی جہالتوں کی وجہ سے یہ سلسلہ بند ہو گیا۔
پر لطف بات تو یہ ہے کہ یہ بیان کہ عورت کا کام قیادت کرنا نہیں ہے ایک ایسا شخص دے رہا ہے جو کچھ ہی دنوں قبل پریس میں چھپی تصویروں میںصو بہ کی محترم خاتون قائد کے حضور ننگے پاوں دست بستہ گردن جھکائے کھڑا دکھائی دے رہا تھا۔

ایسے کسی شخص کے امام جمعہ کی حیثیت سے جانے جانے کی وجہ سے غیر مسلم برادران وطن اسکو شیعہ قوم کا نمائندہ سمجھ لیتے ہیں۔ حالانکہ اسکے پیچھے کھڑی جماعت اسکی قیادت کی وجہ سے نہیں اکٹھی ہوتی ہے بلکہ وہ تو نماز پڑھنے گی  ہوتی ہے اور اس طرح سے لوگ یہ سمجھ لیتے ہیں کہ جِس قوم کا قاید ایسا ہے وہ خود کیسی ہوگی۔ لہٰذا تمام افراد قوم کے لیے ضروری ہے کہ جمعہ کی امامت کے لیے مناسب ذی فہم با عمل واقعی عالم کا بندوبست جلد از جلد کریں۔جلسہ میں سید الیسا رضوی کی ناوقت موت پر اظہار افسوس کرتے ہوئے سورہ فاتحہ پڑھا گیا۔