یوم قرارپاکستان کے حوالے سے پاکستان پریس کلب اسپین اور بارسلونا کی معروف ادبی تنظیم قلم قافلہ کے زیر اہتمام ایک شاندار مشاعرہ پریس کلب اسپین کے آفس میں منعقد ہوا جسکی صدارت بزرگ شاعر افضال بیدار نے کی جبکہ مہمانان خصوصی چیف ایڈیٹر ہم وطن اسپین جاوید مغل اور ڈائریکٹر ریڈیوپاکسلونا راجہ شفیق الرحمان اور چیئرمین پاکستان پریس کلب حافظ عبدالرزاق صادق تھے
 مشاعرہ کا باقاعدہ آغاز راجہ مشرف کی تلاوت کلام پا ک سے ہوا ،میزبان محفل جنرل سیکرٹری قلم قافلہ حافظ احمدتھے ،صدر قلم قافلہ بارسلونا ارشد نذیر ساحل نے تمام مہمانوں کو خوش آمدید کہا،جبکہ بہادر حسین صابر ،رانا نیر اقبال، عامر ثانی،ندیم بسمل،ارشد اعوان ،ڈاکٹر سفارش،جاوید بھٹی اور صدر محفل افضال احمد بیدار نے کلام پیش کیا

 محفل مشاعرہ سے مہمان خصوصی جاوید مغل نے خیالات کا اظہار کرتے ہوئے کہا کہ اردو بارسلونا میں چوتھی بڑی زبان تسلیم کی جا چکی ہے،اردو پر مزید کام ہو رہا ہے، کبھی بارسلونامیں تسلسل سے بڑی بڑی ادبی محفلیں منعقد ہوتی تھیں ،باذوق افراد کو بلایا جاتا تھا،مگر رفتہ رفتہ یہ سلسلہ بند ہو گیا ، میں ارشد نذیر ساحل ،حافظ احمد اور قلم قافلہ کی ٹیم کو شاندا ر ادبی پروگراموں کے انعقادپر مبارکباد پیش کرتا ہوں
 اس موقع پرراجہ شفیق الرحمان نے کہا کہ شعراء اپنے ملک کے سفیر ہوتے ہیں ،بارسلونا میں ادبی محفلیںکی اشد ضرورت ہے ،بارسلونا میں ابھی اردو کے لئے مزید کام کی ضرورت ہے ،ریڈیو پاکسلونا قلم قافلہ بارسلونا سے ہر قسم کا تعاون کریگا،مشاعرے کے احتتام پر چیئرمین پاکستان پریس کلب حافظ عبدالرزاق صادق نے تما م مہمانوں کا شکریہ ادا کیا
اس خوبصورت محفل مشاعرہ کو باذوق افراد کی کثیر تعداد نے سنا،جن میں چوہدری عبدالغفار مرہانہ،فیض اللہ ساہی ،طاہر رفیع،چوہدری لہراسب رضا،راجہ نا ظر خان،ملک شاہد حسین ،سفیر اکبر بھٹی،غلام محی الدین مغل،شوکت اسلام چوہان،کامران برکت،ظفر الیاس قریشی،راجہ اظہر احسان،راجہ حسن نعیم ،راجہ مشرف ،ملک حبیب سمیت درجنوں افراد نے شرکت کی