آسٹریلیا سڈنی کے انٹرنیٹ کیمونٹی اخبار ‘‘صدائے وطن‘‘ نے سترہ اپریل کو اپنے صحافتی سفر کے پانچ برس مکمل کیئے ہیں جو آج کے اس مفاد پرست اور زر پرست صحافتی معاشرے میں شفاف صحافت اور کیمونٹی کی خدمت کی اعلیٰ مثال ہے۔

عالمی اخبار کے ادارتی عملے نے اور قارئین نے اس موقع پر خصوصی طور پر صدائے وطن کے ادارتی عملے اور قارئین کو مبارکباد دیتے ہوئے اس سفر کی طوالت کی دعا کی ہے۔

عالمی اخبار کے مدیر اعلیٰ صفدر ھمٰدانی اور نائب مدیر اعلیٰ ڈاکٹر نگہت نسیم نے اس موقع پر خاص طور پہ صدائے وطن کے مدیر اعلی سید ظفر حسین اور مدیر سید جاوید حسین کو اس سفر کے پانچ سال مکمل کرنے پر مبارکباد دی ہے اور دعا کی ہے کہ آئیندہ بھی لوح و قلم کا خالق انہیں مزید کامیابیاں عطا کرے۔

سید ظفر حسین،جلیل عباس جیلانی،صفدر ھمدانی

عالمی اخبار کے مدیر اعلیٰ صفدر ھمدانی نے کہاکہ مفاد پرستی اور زر پرستی کے اس دور میں سید ظفر حسین نے اپنی زاتی محنت ۔لگن اور استقامت سے کسی بیرونی مالی یا تکنیکی مدد کے بغیر انٹرنیٹ پر شائع ہونے اس اخبار کو پانچ برس سے کامیابی سے چلایا ہے اور آسٹریلیا میں موجود پاکستانی اور ایشیائی کیمونٹی کی خدمت کی ہے جو علاقائی اخبارات کے لیئے ایک مثال ہے۔

انہوں نے کہا کہ صدائے وطن نے آسٹریلیا میں موجود پاکستانی اور ایشیائی کیمونٹی کا بیرونی دنیا سے رابطہ رکھا ہوا ہے اور خود آسٹریلیا میں صدائے وطن کو سرکاری،غیر سرکاری اور نجی سطح پر شفاف صحافت کا حصہ تسلیم کیا جاتا ہے اور اس اخبار کی اشاعت میں سید ظفر حسین کے علاوہ انکے بچوں اور دیگر اہل خانہ کی مساعی بھی شامل ہیں۔

آسٹریلیا میں پاکستان کی نو آمدہ ہائی کمشنر فوزیہ نسرین نے بھی اس موقع پر صدائے وطن کی خدمات کی تعریف کرتے ہوئے مزید کامیابیوں کی دعا کی ہے۔