تنظیم علی کانگریس کی ہفتہ وار نشست میں حالات حاضرہ پر غور کرتے ہوئے یہ بیان جاری کیا گیا کہ یورپ کے بعض ممالک کا حجاب کے خلاف اقدام نہ صرف یہ کہ انصاف وعدل کے خلاف ہے بلکہ شخصی آزادی کی ان اقدام کے بھی خلاف ہے جنکا یہ ممالک ڈھنڈورہ پیٹا کرتے ہیں۔

شخصی آزادی کی بات کرنے والی کسی حکومت یا کسی شخص کو اختیار نہیں ہے کہ وہ کسی کواپنی پسند کے لباس کے استعمال سے روک سکے۔ ساتھ ہی ان ممالک میں اپنے اس حق کے لئے نبرد آزما بہنوںکا عمل اس بات کو ظاہر کرتا ہے کہ اسلام در اصل دل کی گہرائیوں سے پیدہ ہوتا ہے اور ایک سچےّ مسلم یا مسلمہ کو وہ قوت عمل عطا کرتا ہے جس سے وہ باطل کے سامنے ہر حال میں ڈٹا رہتا ہے۔

تنظیم علی کانگریس اپنی ان تمام بہنوں کو مرحبا کہتی ہے جو اپنی لڑائی عدالتوں اور میڈیا میں استقلال کے ساتھ لڑ رہی ہیں۔تنظیم علی کانگریس قوم سے گذارش کرتی ہے کہ زیادہ سے زیادہ خطوط ان تمام ممالک کے سفارت خانوں ، اقوام متحدہ کے سفارت خانے اور حکومت ہند کی وزارتِ خارجہ کو اس مطالبے کے ساتھ بھیجیں کہ ایسی غیر منصفانہ حرکتوں سے وہ ممالک باز رہیں۔

کچھ لوگ ایسے میں جو ہندوستان میں مظاہر ے کی بات کر رہے ہیں جسکا مقصد صرف اور صرف اس حساس معاملے میں غریب قوم کو سڑکوں پر لا کر اپنی سیاست چمکانا ہے کیونکہ ان معاملات کا حل مظاہروں سے نہیں بلکہ مکالموں، مباحثوں، اور مناظروں کے ذریعہ ہونا چاہیئے۔

 کاش کے ایسے خود ساختہ قائیدین میں یہ صلاحیت ہوتی کہ وہ عوامی مکالموں، مباحثوں، اور مناظروں میں پیٹھ دکھا کر بھاگ نہ کھڑے ہوتے اور بجائے غریب قوم کا استحسال کرنے کے اسکی خدمت کرنے کی توفیق رکھتے۔ کاش کے یہ افراد خود لکھنو میں قوم کے غریب افراد کے حقوق کے لئے کوئی اقدام کر لیتے جن کو دن بھر کی مزدوری اس گرانی کے زمانے میں بھی سو روپے سے بھی کم ملتی ہے۔

اسی کے ساتھ ساتھ رام پور میں وقف املاک کی دو سو کروڑ روپوں میں ہوئی مبینہ سودے بازی کے معاملے میں مجرمانہ خاموشی کی وجہ آخر کیا ہے؟ میٹنگ میں ایک شخص ایک وقف کے اصول کی مانگ کو دہرائی گئی یعنی ایک آدمی صرف ایک وقف کا متولی ہو۔ملک میں مردم شماری کا عمل شروع ہوچکا ہے۔

اس سلسے میں تنظیم علی کانگریس پہلے ہی قوم سے کہہ چکی ہے کہ وہ اسمیں اپنا اندراج کرانا یقینی بنائیں۔ سا تھ ہی یہ افسوسناک بات ہے کہ اس پروفارما میںمذہب اور زبان کا کوئی کالم نہین ہونے کی رپورٹ ملی ہے۔ ہم حکومت سے مطالبہ کرتے ہیں کہ اس غلطی کی فوری تصحیح کی جائے۔ اخیر میں تحریک عزاداری و تحریک تحفظ اوقاف کے منصوبہ سازالحاج مرزاجاوید مرتضیٰ صاحب طاب ثراہ اور الیسع رضوی صاحب طاب ثراہ کے لئے سورہ فاتحہ کی تلاوت کی گئی اوریہ کہا گیا کہ ان دونوں حضرات کی اچانک مشتبہ حالات میں ہو ئی موت سے قوم کو زبردست نقصان ہوا ہے ۔