گورڈن براؤن اہلیہ کے ہمراہ بکنگھم پیلس پہنچے۔عالمی اخبار تصویر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لندن میں بدھ  بارہ مئی مقامی وقت رات 12 بجکر 36 منٹ پر تازہ ترین اطلاعات کے مطابق عالمی اخبار کی نامہ نگار خصوصی زہرا صفدر نے بتایا ہے کہ لبرل ڈیموکریٹس کے قائد نک کلیگ نے نامہ نگاروں سے خطاب کیا ہے اور کہا ہے کہ انکی جماعت کی پارلیمانی کمیٹی نے معاہدے کی منظوری دی ہے اور اب دونوں جماعتیں متحد ہو کر اس ملک کو درپیش چیلنجوں کو حل کریں گے۔ انہوں نے کہا کہ سات ملین لوگوں نے انکی جماعت کو ووٹ دیا ہے اور میں ان سے وعدہ کرتا ہوں انکی امیدوں اور خواہشات کا احترام کیا جائے گا۔ نک کلیگ نے ڈیوڈ کیمرون کی قیادت کو سراہا۔ انکا یہ بیان صرف چار منٹ کا تھا اور انہوں نے اس موقع پر میڈیا کے کسی سوال کا جواب نہیں دیا


اس سے قبل لندن میں بدھ  12مئی مقامی وقت رات12بجکر 12 منٹ پر تازہ ترین اطلاعات کے مطابق عالمی اخبار کی نامہ نگار خصوصی  نے بتایا ہے کہ لبرل ڈیموکریٹس کی پارلیمانی کمیٹی کے اجلاس میں رات گئے کنزرویٹو سے سمجھوتے کی منظوری دے دی گئی ہے


 لندن 11 مئی منگل ۔ وقت رات 9 بجکر40 منٹ پر تازہ ترین اطلاعات کے مطابق عالمی اخبار کی نامہ نگار خصوصی  نے بتایا ہے کہ نئی کابینہ میں لب ڈیم کے قائد نک کلیگ نائب وزیراعظم، کنزرویٹو کے ولیم ہیگ وزیر خارجہ، جارج ازبن وزیر خزانہ، ہوں گے جبکہ مزید وزرا کا اعلان جلد ہو جائے گا جن میں لبرل ڈیموکریٹس کے چار وزیر بھی شامل ہوں گے۔

فوری فیصلوں کے تحت پارلیمان کی مدت چار سال سے بڑھا کر پانچ سال کر دی گئی،

اس سے قبل لندن 11 مئی منگل۔مقامی وقت رات 8 بجکر47 منٹ پر تازہ ترین اطلاعات کے مطابق عالمی اخبار کی نامہ نگار خصوصی نے مرکزی لندن میں 10 ڈاؤننگ سٹریٹ کے باہر سے اطلاع دی ہے برطانیہ کے 12ویں وزیراعظم کنزرویٹو پارٹی کے قائد ڈیوڈ کیمرون  ملکہ برطانیہ سے25  منٹ کی ملاقات کے بعد پہلی مرتبہ اپنی اہلیہ کے ہمراہ 10 ڈاؤننگ سٹریٹ پہنچے جہاں نامہ نگاروں سے خطاب کرتے ہوئے انہوں نے کہا کہ ملکہ نے انہیں حکومت سازی کی دعوت دی ہے اور وہ لبرل ڈیموکریٹس کے ساتھ مل کر عوام کو انکی جمہوری حکومت دیں گے انہوں نے گورڈن براؤن کی خدمات کو سراہا۔

ڈیوڈ کیمرون 10 ڈاؤننگ میں داخل ہوتے۔عالمی اخبار تصویر

ڈیوڈ کیمرون اپنی اہلیہ سمانتھا کے ہمراہ لندن کے وقت کے مطابق ٹھیک 8 بجکر 47 منٹ پر اپنی سرکاری رہائش گاہ 10 ڈاؤننگ کی مرکزی دروازے سے اندر داخل ہو گئے اوراس طرح برطانیہ میں انتقال اقتدار کا پہلا مرحلہ بخیر خوبی اختتام پا گیا


اس سے قبل لندن کے مقامی وقت رات 8 بجکر10 منٹ پر تازہ ترین اطلاعات کے مطابق عالمی اخبار کی نامہ نگار  نے مرکزی لندن میں بکنگھم پیلس کے باہر سے اطلاع دی ہے کہ کنزرویٹو پارٹی کے قائد ڈیوڈ کیمرون ملکہ برطانیہ سے ملاقات کے لیئے پیلس میں پہنچ گئے ہیں جہاں ملکہ انہیں باضابطہ طور پر حکومت سازی کی دعوت دیں گی اور دوسری جانب گورڈن براؤن 10 ڈاؤننگ میں اپنے عملے سے الوداعی ملاقات کر رہے ہیں

ڈیوڈ کیمرون بکنگھم پیلس میں پہنچے۔عالمی اخبار تصویر

اس سے پہلےلندن کے مقامی وقت شام 7  بجکر 42 منٹ پر تازہ ترین اطلاعات کے مطابق عالمی اخبار کی نامہ نگار خصوصی  نے مرکزی لندن سے اطلاع دی ہے کہ گورڈن براؤن اپنی اہلیہ سارہ کے ساتھ بکنگھم پیلس میں ملکہ سے ملاقات اور استعفیٰ پیش کرنے کے بعد واپس آ گئے ہیں

اس سے قبل لندن کے مقامی وقت شام 7  بجکر 27 منٹ پر تازہ ترین اطلاعات کے مطابق عالمی اخبار کی نامہ نگار خصوصی  مرکزی لندن سے اطلاع دی ہے کہ گورڈن براؤن اپنی اہلیہ سارہ کے ساتھ بکنگھم پیلس پہنچے  جہاں ملکہ سےا ن کی ملاقات شروع ہو گئی ہے۔ اس ملاقات کے بعد گورڈن براؤن وزیر اعظم براؤن سے مسٹر براؤن ہو جائیں گے

گورڈن براؤن کی فیملی کے ساتھ ڈاؤننگ سٹریٹ میں آخری تصویر۔عالمی اخبار تصویر

اس سے قبل لندن کے مقامی وقت شام7  بجکر 15 منٹ پر تازہ ترین اطلاعات کے مطابق عالمی اخبار کی نامہ نگار خصوصی نے مرکزی لندن سے اطلاع دی ہے کہ گورڈن براؤن  نے ٹین ڈاؤننگ سٹریٹ کے باہر ذرائع ابلاغ کے سامنے اپنے استعفی کا اعلان کر دیا ہے اوربکنگھم پیلس روانہ ہونے ہو گئے ہیں جہاں ہو ملکہ کو اپنا استعفیٰ باضابطہ طور پر پیش کریں گے جسکے بعد ملکہ کنزرویٹو پارٹی کے ڈیوڈ کیمرون کو حکومت سازی کی دعوت دیں گی۔

اس سے قبل لندن کے مقامی وقت شام 6 بجکر56  منٹ پر تازہ ترین اطلاعات کے مطابق عالمی اخبار کی نامہ نگار خصوصی  نے مرکزی لندن سے اطلاع دی ہے کہ لب ڈیم غیر قانونی سیاسی پناہ گزینوں  کو عام معافی دینے کے اپنے مطالبے سے دستبردار ہو گئی ہے جو معاہدے کے درمیان ایک بڑی رکاوٹ تھی

ملکہ سے ملاقات کے بعد واپسی۔ عالمی اخبار تصویر

نامہ نگار نے بتایا کہ گورڈن براؤن  بھی بکنگھم پیلس روانہ ہونے والے ہیں جہاں ہو ملکہ کو اپنا استعفیٰ باضابطہ طور پر پیش کریں گے جسکے بعد ملکہ کنزرویٹو پارٹی کے ڈیوڈ کیمرون کو حکومت سازی کی دعوت دیں گی۔ اس قبل ملکہ برطانیہ نے اپنے معتدمین سے بھی ملاقات کی ہے اور ملکہ کے ذاتی مشیر نے انہیں سیاسی صورت حال سے آگاہ کیا۔


لندن کے مقامی وقت شام 6بجکر40 منٹ پر  عالمی اخبار کی نامہ نگار خصوصی  نے مرکزی لندن سے اطلاع دی تھی کہ گورڈن براؤن اپنے رفقا سے کوئی پانچ گھنٹے کی ملاقات کے بعد متوقع طور پر اب کچھ ہی دیر میں بکنگھم پیلس روانہ ہونے والے ہیں جہاں ہو ملکہ کو اپنا استعفیٰ باضابطہ طور پر پیش کریں گے جسکے بعد کنزرویٹو پارٹی کے ڈیوڈ کیمرون کو حکومت سازی کی دعوت دی جائے گی

گورڈن براؤن بکنگھم پیلس  داخل ہو رہے ہیں۔ عالمی اخبار تصویر

اس سے قبل لندن کے مقامی وقت شام  5بجکر20 منٹ پر عالمی اخبار کی نامہ نگار خصوصی زہرا صفدر نے مرکزی لندن سے اطلاع دی تھی کہ لب ڈیم اور کنزرویٹو پارٹی کے درمیان حکومت سازی سے قبل اتحادی حکومت کے حوالے سے سمجھوتہ طے پانے والا ہے۔ لب ڈیم کے ونس کیبل نے تصدیق کی ہے کہ یہ سمجھوتہ اب طے پانے کے بالکل آخری مراحل میں ہے اور دونوں جماعتوں کے مزاکرات کار چار گھنٹے سے زیادہ عرصے سے گفت و شنید میں مصروف ہیں۔

اطلاعات ہیں کہ وزیر اعظم براؤن آج منگل کی رات  مستعفی ہو جائیں گے جسکے بعد کسی وقت بھی ملکہ برطانیہ سے مل کر انہیں اپنے فیصلے سے باضابطہ طور پر مطلع کریں گے

گورڈن براؤن بکنگھم پیلس روانہ ہوتے ہوئے۔ عالمی اخبار تصویر

برطانیہ میں حالیہ انتخابات میں کوئی جماعت بھی واضع اکثریت حاصل نہیں کر سکی تھی جسکے بعد اب معلق پارلیمان تشکیل پانی ہے جس کے لیئے دونوں بڑی جماعتیں لیبر اور کنزرویٹو کنگ میکر جماعت لب ڈیم سے مذاکرات جاری رکھے ہوئے ہیں اور اب یہ واضع ہو گیا ہے کہ لیبر پارٹی نے یہ بات تسلیم کر لیا ہے کہ لبرل ڈیموکریٹس کے ساتھ مخلوط حکومت بنانے کی اس کی وہ کوششیں پوری نہیں ہو سکتیں۔

اسی دوران لندن میں بیکنگھم پیلس کے سامنے موجود عالمی اخبار کی نامہ نگار خصوصی زہرا صفدر نے براہ راست ٹیلی فون پر بتایا ہے کہ بکنگھم پیلس کے باہر ذرائع ابلاغ کے بے شمار نامہ نگار اور ٹی وی ٹیمیں موجود ہیں اور وزیر اعظم گورڈن براؤن ملکہ برطانیہ سے ملنے کو آئیں گے جسکے بعد  کنزرویٹو پارٹی کے قائد ڈیوڈ کیمرون متوقع طور پرکسی وقت بھی ملکہ برطانیہ سے ملاقات کر سکتے ہیں۔


پیر کےروز موجودہ وزیرِ اعظم اور لیبر پارٹی کے سربراہ گورڈن براؤن نے یہ اعلان کیا تھا کہ چار ماہ بعد لیبر پارٹی کے سربراہ کے عہدے سے استعفیٰ دے دیں گے ۔اس اعلان کے بعد اب  پارٹی میں قیادت کے لیئے رسہ کشی شروع ہو گی۔

  لبرل ڈیموکریٹس اور کنزرویٹو پارٹی کے درمیان مذاکرات کا سلسلہ بتایا جاتا ہے کہ اپنے آخری مراحل میں ہے اورمسٹر کیمرون اور نِک کلیگ نے آج منگل کو بھی علیحدگی میں ملاقات کی۔

لیبر اور لبرل ڈیموکریٹس کے درمیان باضابطہ بات چیت پیر کو شروع ہوئی تھی ۔