آسٹریا کے شہر ویانہ میں دینی پروگراموں میں شرکت کے بعد صفدر ھمدانی واپس لندن پہنچ گئے ہیں۔ ویانہ سے واپسی پر انہیں وسیم شیرازی،آصف شیرازی اور سید ناصر جعفری کے علاوہ دیگر احباب نے الوداع کہا


یاد رہے کہ آسٹریا کے شہر ویانہ میں جمعہ ۱۸ جون اور ہفتہ ۱۹ جون کو امام نقی ع کی ولادت اور شہادت کی محفل ہوئییں جسکا اہتمام ویانہ کی تنظیم جادگیر علی اکبر نے کیا تھا

انیس جون ہفتے کے روز امام نقی کی شہادت کی مجلس عزا شہر کے ایرانی سینٹر میں ہوئی جس سے مقامی زاکرین کے علاوہ لندن سے جمیل کاظمی المعروف آل عمران، سید اکمل حسین اور شاعر اہلبیت مرثیہ نگار صفدر ھمدانی نے شرکت کی اور امام نقی کے حضور اشعار کا نزرانہ پیش کیا

شہادت کی مجلس کے موقع پر مرثیہ نگار صفدر ھمدانی نے امام نقی ع کی شہادت کے حوالے سے اپنا نوتصنیف مرثیہ پیش کیا۔ آسٹریا میں پہلی بار مرثیہ نو تصنیف کی مکمل مجلس عزا ہوئی جس کے بعد امام نقی کا تابوت برآمد ہوا اور ماتمیوں نے امام نقی اور اہلبیت کو پرسہ دیا

اختتام پر مومنین کے لیئے نیاز امام پیش کی گئی