سویڈن کے شہر سٹاک ہولم میں مقیم ناتالی سیال ان نوجوان پاکستانیوں میں سے ایک ہیں جنہیں اس امر کا ادراک ہے کہ جب تک وہ ملکی سیاست میں حصہ لیکر اسمبلیوں نہیں پہنچیں گے وہ اپنے اور اپنی کیمونٹی کے ماسئل حل نہیں کر سکیں گے۔

سوشل ڈیموکریٹ کی ناتالی سیال کی عمر اسوقت 26 سال ہے اور وہ عابدہ سیال کی چھوٹی بیٹی ہیں ۔وہ 2002 میں جب پہلی بار لوکل پارلیمان کی رکن منتخب ہوئی تھیں تو سب سے کم عمر رکن تھیں اور اسوقت انکی عمر 18 سال تھی۔ وہ 2002 کے بعد دوبارہ 2006 میں بھی منتخب ہوئیں اور اب تک سمتبر 2010 میں سویڈن کے انتخابات وہنے والے ہیں تو ناتالی سیال ایک بار پھر امیدوار ہیں۔ 13 سال کی عمر میں ناتالی سوشل ڈیموکریٹ کے نوجوانوں کے شعبے میں شمولیت اختیار کی تھی اور اس طرح وہ بنیادی سطح سے کام کر کے اس جگہ تک پہنچی ہیں اور انکے خیال میں مقامی سطح کی سیاست ہی دراصل سیاست سیکھنے کا سکول ہے جہاں سے انسان اپنے مستقبل کا سفر شروع کرتا ہے

ناتالی سیال نے عالمی اخبار کے لیئے پنجابی اور سویڈش زبانوں میں اپنے سیاسی نظریات مختصر طور پر ریکارڈ کروائے ہیں جس کے لیئے ادارہ انکا ممنون ہے۔