 |
| معروف شاعرہ شاہین رضوی |
شاعر آل عباء مرثیہ نگار اور عالمی اخبار کے مدیر اعلیٰ صفدر ھمدانی کویت کے دس روزہ دورے پر کویت پہنچ گئےہیں جہاں وہ ماہ صفر کی منتخب مجالس میں مرثیہ نوتصینف پیش کرنے کے علاوہ ایک عالمی مشاعرےمیں شرکت کریں گے اور دیگر علمی،ادبی،دینی اور فکری نشستوں سے خطاب کریں گے
انکے اس دورے کا اہتمام معروف شاعرہ اور خلیجی ممالک میں عالمی اخبار کی بیورو چیف شاہین رضوی نے کیا ہے اور وہی انکی میزبان بھی ہونگی۔ کویت پہنچنے پر شاہین رضوی اور انجمن فروغ اردو ادب کے صدر عبداللہ عباسی نےشاعر آل عباٗ کا استقبال کیا
شاہین رضوی نے خصوصی طور پر سکینہ بنت الحسین کی شہادت کے حوالے سے ایک خصوصی مجلس مرثیہ نو تصینف کا اہتمام خود بھی کیا ہے
صفدر ھمدانی کویت میں قیام کے دوران چودہ جنوری کو انجمن فروغ اردو ادب کے روح رواں عبداللہ عباسی کی طرف سے منعقد کردہ عالمی مشاعرے میں بھی شرکت کریں گے
اس سے قبل ہفتہ آٹھ جنوری کو شاعر آپ عباء مرثیہ نگار صفدر ھمدانی نے مور پارک لندن میں حسن زیدی اور انکی اہلیہ ناز زیدی کی طرف سے اپنی قیام گاہ پر منعقدہ پہلی مجلس مرثیہ سے عزاداری کے موضوع پر خطاب کیا اور اسی موضوع پر اپنے طویل مرثیے سے منتخب بند پیش کیئے
میزبان حسن زیدی نے حدیث کساء پڑھی جسکے بعد معروف سوز خوان سید آصف رضا نے رباعیات،سوز اور سلام پیش کیا
مجلس عزا کے بعد نوحہ و ماتم ہوا جس میں سید اکمل حسین،اختر حسین،جمیل کاظمی اور آصف رضا نے نوحہ خوانی کی اور اختتام پر نزر امام حسین پیش کی گئی
(0) آپکی رائے
پرنٹ
احباب کو بتائیے
اُوپر