عالمی اخبار کے مدیر اعلیٰ،شاعر،ادیب،محقق،استاد اور مرثیہ نگار صفدر ھمدانی اور بی بی لندن کی اردو سروس کی ماہ پارہ صفدر کی اکلوتی بیٹی زہرا صفدر نے لندن کے باربیکن سینٹر کے وسیع ہال میں ہونے والے تقسیم اسناد کی تقریب میں ایم ایس سی سائیکالوجی اور سائیکاٹری کی ڈگری وصول پائی۔

زہرا صفدر اپنے شوہر ندیم زیدی اور والدین کے ہمراہ ڈگری وصول کرنے کے لیئے باربیکن پہنچی۔

ہال میں سینکڑوں کی تعداد میں والدین اور طلبا موجود تھے جبکہ کنگز کالج کا سنڈیکیٹ اسٹیج پر موجود تھا۔ اس تقریب میں ڈاکٹریٹ اور پوسٹ گریجویٹ کی ڈگریاں دی گئیں

تقریب کا اختتام برطانیہ کے قومی ترانے پر ہوا جس کے بعد مہمانوں کی تواضع کی گئی۔

اس موقع پر زہرا صفدر کی والدہ  ماہ پارہ صفدر اور شوہر ندیم زیدی کے علاوہ والد صفدر ھمدانی نے انتہائی خوشی کا اظہار کیا اور زہرا کو یہ اہم سنگ میل مکمل کرنے پر مبارکباد دی۔