فرینکفرٹ میں مقیم، شاعرِ اہلِ بیت علیہم السلام “عالمی اخبار” کے کالم نگار، سیّد اقبال حیدر کے بھائی سیّد انوار حیدر ولد سیّد ہاشم حسین اپنے خالق سے جا ملے، کراچی جعفر طیار سوسائٹی میں کل پیر کو ان کی نمازِ جنازہ پڑھی گئی اور سہ پہر کو ان کی تدفین انجام پائی

سید اقبال حیدر ابھی کچھ عرصہ پہلے ہی اپنے دوسرے بڑے بھائی کے انتقال کے دکھ سے گزر چکے ہیں اور فوری بعد انہیں اب ایک اور بھائی کی جدائی برداشت کرنا پڑ رہی ہے۔

دعا ہے کہ اللہ پاک مرحوم کو جوار سید الشہدا میں جگہ دے اور انکی منزل آخرت آسان کرے۔آمین

عالمی اخبار کی انتظامیہ،ادارتی بورڈ ،لکھاری اور قارئین نے سید اقبال حیدر سے تعزیت کی ہے اور مرحوم کی مغفرت کی دعا کی ہے۔

تمام قارئین سے مرحوم کے لیے سورہ فاتحہ، دُعائے مغفرت اور نمازِ ہدیہ میّت کی التماس ہے.

 گزشتہ تین مہینوں میں اقبال شاہ صاحب کے گھر میں یہ تیسری وفات  ہے، شاہ صاحب کے بڑے بھائی اور بھابھی صاحبہ کے انتقال پُر ملال کے بعد اب آپ کے یہ بھائی بھی وصال فرما گئے، یہ صدمہ صرف اقبال بھائی اور ان کے اہلِ خانہ ہی جان سکتے ہیں، لیکن “عالمی اخبار” کا یہ خاندان بھی اقبال بھائی کے غم میں پورا شریک ہے.

اللہ کریم مرحوم کو جوارِ معصومین علیہم السلام میں جگہ نصیب فرمائے، اقبال شاہ صاحب اور ان کے گھر کے تمام افراد کو صبرِ جمیل عطا فرمائے، اِلٰہی آمین

سید اقبال حیدر کے اپنے بھائی سید انوار حیدر کی یاد میں لکھے ہوئے تازہ اشعار