محترم المقام مدیر اعلی عالمی اخبار جناب صفدر ہمدانی اور ان کی اہلیہ مشہور و معروف بی بی سی براڈ کاسٹر محترمہ ماہ پارہ صفدر نانا جان اور نانی جان بننے پر اللہ کریم کے بے حد شکر گزار ہیں  کہ  ان کی بیٹی  سیدہ زہرا صفدر اور ان کے دامادسید ندیم زیدی  کو  اللہ تعالیٰ نے بیٹے کی نعمت سے نوازا ہے ۔

عالمی اخبار کی انتظامیہ اور قارئین جناب صفدر ہمدانی ، انکی اہلیہ ماہ پارہ صفدر ،  ماموں محمد صفدر ، نومولود کی  ماں  زہرا صفدر ، باپ ندیم زیدی  ، دادا حیدر رضا زیدی ، دادی شاہدہ زیدی  اور دیگر اہل خانہ کو اللہ کریم کے اس  بہترین تحفے پر مبارکباد پیش کرتے ہیں۔

محترم المقام  جناب صفدر ہمدانی نے  فون پر جب مجھے بتایا تو ان کی آواز تشکر سے رندھی ہوئی تھی اور وہ بار بار کہہ رہے تھےکہ کہ ‘‘ آج کا دن میرے لئے عید کا دن ہے جو  میرے لئے میری زندگی کی عظیم ترین خوشیاں سمیٹ کر لایا ہے ۔

انہوں مزید کہا پنجتن پاک کے صدقے مجھ  پر  میرے اللہ رب العزت کا خاص کرم  ہے کہ اس نے آج کا دن میرے  نصیب میں لکھا ۔۔ بس اس نے مجھے یہ نعمت اپنے پیارے حبیب حضرت محمد مصطفی کے صدقے میں عطاکی  ہے جس کا نام سب نے مل کر سید عباس رضا زیدی رکھا ہے ۔ بس یوں سمجھئے کہ یہ  میری اکسٹھ سالہ زندگی کی ساری  خوشیوں میں سے ایک عظیم تر خوشی ہے۔

عالمی اخبار کی قلمکار اور قارئین  سب آپ کی خوشی میں شریک ہیں اور آپ سب کے لئے ایسی ہزاروں خوشیوں کے لئے دعا گو ہیں ۔۔ ہم سب کی طرف سے ایک بار پھر آپ سب کو بہت بہت مبارک ہو ۔۔ اللہ کریم ننھے شہزادے سید عباس رضا زیدی کو اپنے حفظ و امان میں رکھے ۔۔آمین