لندن میں جگجہت سنگھ کے شاگرد سید آصٖف رضا کی اطلاع کے مطابق معروف بھارتی غزل گائیک جگجیت سنگھ چل بسے۔70 سالہ جگجیت سنگھ 23 ستمبر برین ہیمرج کے بعد ممبئی کے لیلا وتی اسپتال میں زیر علاج تھے جہاں انکی حالت تشویشناک بتائی جارہی تھی۔

گزشتہ چار دہائی سے غزل گائیکی میں اپنی آوازکا جادو جگانے والے جگجیت سنگھ 8 فروری 1941 ء کو سری گنگانگر، راجستھان میں پیدا ہوئے، انہیں بچپن ہی سے موسیقی سے لگاؤ تھا، انہوں نے اپنے کیریئر کا باقاعدہ آغاز 1974 ء میں کیا۔جگجیت سنگھ نے اپنی اہلیہ چترا سنگھ کے ساتھ کئی ریکارڈ توڑ البمز میں اپنے فن کا مظاہرہ کیا، اور ان جوڑی کو زبردست پذیرائی ملی۔

جگجیت سنگھ کو 2003 ء میں بھارت کے سب سے بڑے سرکاری اعزاز پدما بھوشن سے بھی نوازا گیا، غزل گائیکی میں نئی جہتیں روشناس کرانے والے جگجیت سنگھ نے نے 60 سے زائد فلمی اور غیر فلمی البمز میں اپنی آواز کا جادو جگایا۔

۔۔۔۔۔۔۔۔۔۔۔۔۔۔۔۔۔
اس سے قبل تئیس ستمبر کو عالمی اخبار نے خبر لگائی تھی کہ بھارت کے مایہ ناز اور شہرہ آفاق غزل گلوکار جگجیت سنگھ کی دماغ کی شریان پھٹ گئی  اور ڈاکٹرز کے مطابق ان کی حالت بہت نازک ہےہے۔ انہیں ممبئی کے علاقے باندہ میں واقع لیلا وتی اسپتال میں داخل کرایا گیا ہے ۔