پاکستان ٹیلی ویژن،ریڈیو پاکستان اور بی بی سی اردو سروس لندن میں طویل عرصے تک نشریاتی اور صحافتی میدان کے ساتھ ساتھ ادبی میدان میں بھی خدمات سرانجام دینے والی معروف نیوز ریڈر اور براڈکاسٹر ماہ پارہ صفدر کے ساتھ 27 دسمبر منگل کی شام چار بجے نیشنل لینگویج اتھارٹی اسلام آباد میں ایک شام کا اہتمام کیا گیا

اس تقریب کا اہتمام  کارٹونسٹ،مصور اور شاعر  مظہر شہزاد نے کیا تھا اور صدارت کے فرائض ملک  فدا الرحمٰن نے ادا کیئے

ماہ پارہ صفدر کی شخصیت کے علاوہ فنی اور ادبی زندگی پر گفتگو کرنے والوں میں معروف شاعرہ نورین طلعت عروبہ، افسانہ نگار قیصر حمید، ماہر تعلیم فرزانہ گوندل ، صحافی اختر تزئین، مظہر شہزاد اور ملک فدا الرحمٰن شامل تھے

اس موقع پر ازاں اوپل سٹوڈیو کےذکا الحق نے ماہ پارہ صفدر کی نشریاتی اور صحافتی خدمات پر یادگاری شیلڈ پیش کی اور صدر محفل ملک فدا الرحمٰن نے کلام پاک کا نسخہ پیش کیا
ماہ پارہ صفدر نے اپنے خطاب میں تقریب کے منتظمین،مقررین اور شرکا کا شکریہ ادا کرتے ہوئے اس امر پر مسرت کا اظہار کیا کہ عوام کی سطح پر ایک طویل عرصہ گزر جانے کے باوجود بھی احباب نے انہیں فراموش نہیں کیا اور وہ انکی یادوں میں ہیں۔
 
 یاد رہے کہ ماہ پارہ صفدر ان دنوں اپنی یاداشتوں پر منبی کتاب کی تیاری کے سلسلے میں نجی دورے پر پاکستان میں ہیں