دنیائے اسلام  کے معروف خطیب اور ذاکر محمد و آل محمد علامہ نسیم عباس رضوی طویل علالت کے بعد انتقال فرما گئے۔ وہ خطابت میں مرحوم و مغفور علامہ سید اظہر حسن زیدی کے مکتب سے تعلق رکھتے تھے اور اسی حوالے سے انہیں ثانی اظہر حسن زیدی کہا جاتا تھا۔ مرحوم نے ایک طویل عہد ذکر محمد و آل محمد میں گزارا اور طویل علالت کے باوجود ذکر اہلبیت کے فرض کو ادا کرتے رہے

انا اللہ و انا الیہہ راجعون۔

پروردگار موت و حیات مرحوم کو جوار معصومین میں جگہ دے اور روز محشر ثنا خوان اہلبیت اور وارثان اسوہ رسول آخر کے ساتھ محشور کرے۔ آمین ثمہ آمین

عالمی اخبار کی مجلس ادارت علامہ نسیم عباس رضوی کے انتقال پر انکے اہل خاندان اور انکے مداحین سے اظہار افسوس کرتا ہے اور قارئین سے ملتمس ہے کہ مرحوم کے لیئے ایک سورہ فاتحہ تلاوت فرما کر خود بھی داخل ثواب ہوں

 مرحوم طویل عرصے سے فالج کے مریض تھے اس کے باوجود مجالس سے خطاب کیا کرتے تھے

 شعبہ تحقیق و تدریس سے ایک عرصہ دراز سے وابستہ رہے اور خطابت سے بچپن سے وابستہ تھے اور مشہور خطیب محمد آل محمد  سید اظہر حسین زیدی کے بھانجے اور موحوم   مولانا آغا سید ضمیر الحسن نجفی  کے بھتیجے تھے اس دور میں اپنے پائے کے خطبا میں پائے جاتے تھے

خطیب محمد آل محمد سید اظہر حسین زیدی ایک منفرد انداز کے خطیب تھے ان کی خطابت کا کوئی ثانی نہ تھا اور مرحوم نے ان کے انداز کو اپنایا ۔ ایک ہونہار شاگرد کی طرح اپنے استاد کے نام کو بھی زندہ رکھا ۔

 ان کے انتقال سے ملت مسلمہ کو بالعموم اور شعیہ قوم کی بالخصوص  ایک عظیم نقصان اٹھانا پڑا ہے ان کے بعد شعیہ منبر سے اندز ایک منفرد اور دھیمے لہجے والی تقاریر کا سلسلہ خاموش ہو گیا

 انتظامیہ عالمی اخبار اور ولایت ٹی وی مرحوم کے پس ماندگاں سے تعزیت کرتا ہے اور دعا گو کہ محمد و آل محمد کے قرب میں جگہ عطا فرمائے مرحوم کی خدمات کو ایک عرصہ تک یاد رکھا جائے گا۔

 مرحوم  ایک عرصہ تک برطانیہ یورپ اور دیگر ممالک میں خطا ب کر چکے ہیں لندن کی مشہور امام بارگار حسینہ الرسول اعظم ،حسینی مشن ہانسلو اور متعدد دیگر امام بارگاہوں میں بھی خطاب کر چکے ہیں۔

انکی تدفین آبائی گاؤں احمد پور سیال میں کی جائے گی