‎

‎مرزا غالب کا نام اسد اللہ بیگ خاں تھا۔ باپ کا نام عبداللہ بیگ تھا ۔ آپ دسمبر 1797ء میں آگرہ میں پیدا ہوئے۔ غالب بچپن ہی میں یتیم ہو گئے تھے ان کی پرورش ان کے چچا مرزا نصر اللہ بیگ نے کی لیکن آٹھ سال کی عمر میں ان کے چچا بھی فوت ہو گئے۔ نواب احمد بخش خاں نے مرزا کے خاندان کا انگریزوں سے وظیفہ مقرر کرا دیا۔ 1810ءمیں تیرہ سال کی عمر میں ان کی شادی نواب احمد بخش کے چھوٹے بھائی مرزا الہی بخش خاں معروف کی بیٹی امراءبیگم سے ہو گئی شادی کے بعد انہوں نے اپنے آبائی وطن کو خیر باد کہہ کر دہلی میں مستقل سکونت اختیار کر لی۔

‎شادی کے بعد مرزا کے اخراجات بڑھ گئے اور مقروض ہو گئے ۔ اس دوران میں انہیں مالی مشکلات کا سامنا کرنا پڑا ور قرض کا بوجھ مزید بڑھنے لگا۔ آخر مالی پریشانیوں سے مجبور ہو کر غالب نے قلعہ کی ملازمت اختیار کر لی اور 1850ءمیں بہادر شاہ ظفر نے مرزا غالب کو نجم الدولہ دبیر الملک نظام جنگ کا خطاب عطا فرمایا ، اور خاندان تیموری کی تاریخ لکھنے پر مامور کر دیا اور 50روپے ماہور مرزا کا وظیفہ مقرر ہوا۔

‎غدر کے بعد مرزا کی سرکاری پنشن بھی بند ہو گئی ۔ چنانچہ انقلاب 1857ءکے بعد مرزا نے نواب یوسف علی خاں والی رامپور کو امداد کے لیے لکھا انہوں نے سو روپے ماہوار وظیفہ مقرر کر دیا جو مرزا کو تادم حیات ملتا رہا۔ کثرت شراب نوشی کی بدولت ان کی صحت بالکل تباہ ہو گئی مرنے سے پہلے بے ہوشی طاری رہی اور اسی حالت میں 15 فروری 1869ء کو انتقال فرمایا

‎‫ انھوں نے اپنی زندگی میں بہت دکھ اور مشکلیں اٹھا ئیں انھیں وہ آرام اور سکون میسر نہ ہوا جس کے وہ حق دار تھے شا ئد ہر بڑے آدمی کی زندگی کاالمیہ ہے اس کو جانے کے بعد یاد کیا جا تا ہے مرزا غالب کی شاعری کو اب کم وبیش نصف صدی ہونے کے قریب ہے لیکن آج بھی ان کی شا عری پڑھ کر یوں محوس ہو تا ہے کہ وہ اسی دور کے شاعر ہو ان کا سارا کلا م ہما رے عہد کے لیےہی لکھا گیاہو ایک بڑےاور عظیم شا عر کی سب سے بڑی خوبی یہی ہے کہ وہ ہر دور میں زندہ و جا وید رہ ہوٰئ مدت کہ غالب مرگیا پر یاد آتا ہےوہ ہر اک بات پر کہنا کہ یوں ہوتا تو کیا ہوتاغالب کے چند اشعار :


ظاہر ہے کہ گھبرا کے نہ بھاگیں گے نکیرین

ہاں منہ سے مگر بادہء دو شینہ کی بو آئے



ہوگئے ہیں جمع اجزائے نگاہ_ آفتاب

ذرْے اس کے گھر کی دیواروں کے روزن میں نہیں




ہو فشار_ ضعف میں کیا ناتوانی کی نمود

قد کے جھکنے کی بھی گنجائش مرے تن میں نہیں




کمال_ گرمیء سعی_ تلاش_ دید نہ پوچھ بہ
 رنگ_ خار مرے آئنے سے جوہر کھینچ


آتش پرست کہتے ہیں اہل_ جہاں مجھے

سرگرم_ نالہ ہائے شرر بار دیکھ کر


فراغت کس قدر رہتی مجھے تشویش_ مرہم سے

بہم گر صلح کرتے پارہ ہائے دل نمکداں پر
‬
‎یک بار دلی میں رات گئے کسی مشاعرے یا دعوت سے مرزا غالب مولانا فیض الحسن فیض سہارنپوری کے ہمراہ واپس آ رہے تھے۔راستے میں ایک تنگ و تاریک گلی سے گزررہے تھے کہ آگے وہیں ایک گدھا کھڑا تھا۔مولانا نے یہ دیکھ کر کہا: مرزا صاحب! دلی میں گدھے بہت ہیں۔
‎مرزا نے کہا: نہیں حضرت، باہر سے آ جاتے ہیں۔مولانا جھینپ کر چپ ہو رہے۔

‎مرزا غالب کے ادبی لطائف

‎(1) ایک مرتبہ جب ماہِ رمضان گزر چکا تو بہادر شاہ بادشاہ نے مرزا صاحب سے پوچھا کہ: مرزا، تم نے کتنے روزے رکھے؟غالب نے جواب دیا: پیر و مرشد ، ایک نہیں رکھا۔


‎(2) جب مرزا غالب قید سے چھوٹ کر آئے تو میاں کالے صاحب کے مکان میں آ کر رہے تھے۔ایک روز میاں صاحب کے پاس بیٹھے تھے کہ کسی نے آ کر قید سے چھوٹنے کی مبارکباد دی۔ مرزا نے کہا: کون بھڑوا قید سے چھوٹا ہے۔ پہلے گورے کی قید میں تھا۔اب کالے کی قید میں ہوں۔

‎(3) غدر کے بعد مرزا غالب بھی قید ہو گئے۔ ان کو جب وہاں کے کمانڈنگ آفیسر کرنل براؤن کے سامنے پیش کیا گیا تو کرنل نے مرزا کی وضع قطع دیکھ کر پوچھا۔
‎ویل، ٹم مسلمان ہے۔
‎مرزا نے کہا، جناب، آدھا مسلمان ہوں۔
‎کرنل بولا۔ کیا مطلب؟
‎مرزا نے کہا، جناب شراب پیتا ہوں، سؤر نہیں کھاتا۔


‎(4) ایک دفعہ مرزا غالب گلی میں بیٹھے آم کھا رہے تھے ان کے پاس ان کا ایک دوست بھی بیٹھا تھا جو کہ آم نہیں کھاتا تھا اسی وقت وہاں سے ایک گدھے کا گزر ہوا تو غالب نے آم کے چھلکے گدھے کے آگے پھینک دیے گدھے نے چھلکوں کو سونگھا اور چلتا بنا تو غالب کے دوست نے سینا پھلا کر کہا دیکھا مرزا گدھے بھی آم نہیں کھاتے تو مرزا نے بڑے اطمینان سے کہا کہ جی ہاں گدھے ہیں جو آم نہیں کھاتے

‎(5) مرزا غالب شطرنج کے بڑے شوقین تھے۔ مولانا فیض الحسن سہارنپوری دلی میں نئے نئے آئے تھے۔ غالب کو پتا چلا کہ وہ بھی شطرنج کے اچھے کھلاڑی ہیں تو انہیں دعوت دی اور کھانے کے بعد شطرنج کی بساط بچھا دی۔ ادھر سے کچھ کوڑا کرکٹ ڈھونے والے گدھے گزرے تو مولانا نے کہا “دلی میں گدھے بہت ہیں!“ مرزا غالب نے سر اٹھا کر دیکھا اور بولے “ہاں بھائی، باہر سے آ جاتے ہیں۔“

‎(6) مراز غالب رمضان کے مہینے میں دہلی کے محلے قاسم جان کی ایک کوٹھری میں بیٹھے پچسی کھیل رہے تھے. میرٹھ سے ان کے شاگرد مفتی شیفتہ دہلی آئے، تو مرزا صاحب سے ملنے گلی قاسم جان آئے۔ انہوں نے دیکھا کہ رمضان کے متبرک مہینے میں مرزا پچسی کھیل رہے تھے۔ انہوں نے اعتراض کیا : “مرزا صاحب ہم نے سنا ہے کہ رمضان میں شیطان بند کر دیا جاتا ہے۔“ مرزا غالب نے جواب دیا “مفتی
‎صاحب آپ نے ٹھیک سنا ہے۔ شیطان جہاں قید کیا جاتا ہے، وہ کوٹھری یہی ہے۔“

‎حسن غمزے کی کشاکش سے چھٹا میرے بعد
‎بارے آرام سے ہیں اہلِ جفا میرے بعد

‎منصبِ شیفتگی کے کوئی قابل نہ رہا
‎ہوئی معزولئ انداز و ادا میرے بعد

‎شمع بجھتی ہے تو اس میں سے دھواں اٹھتا ہے
‎شعلۂ عشق سیہ پوش ہوا میرے بعد

‎خوں ہے دل خاک میں احوالِ بتاں پر، یعنی
‎ان کے ناخن ہوۓ محتاجِ حنا میرے بعد

‎درخورِ عرض نہیں جوہرِ بیداد کو جا
‎نگہِ ناز ہے سرمے سے خفا میرے بعد

‎ہے جنوں اہلِ جنوں کے لۓ آغوشِ وداع
‎چاک ہوتا ہے گریباں سے جدا میرے بعد

‎کون ہوتا ہے حریفِ مۓ مرد افگنِ عشق
‎ہے مکّرر لبِ ساقی میں صلا میرے بعد

‎غم سے مرتا ہوں کہ اتنا نہیں دنیا میں کوئی
‎کہ کرے تعزیتِ مہر و وفا میرے بعد

‎آۓ ہے بے کسئ عشق پہ رونا غالب
‎کس کے گھر جاۓ گا سیلابِ بلا میرے بعد

مضمون کی تیاری میں انٹرنیٹ کے مواد سے بھی مدد شامل ہے