بزم شفیقِ ادب کراچی کے روح رواں بزرگ نعت گو شاعر مولاناشفیق احمدشفیق بریلوی طویل علالت کے باعث سو سال کی عمر میں گزشتہ دنوں کراچی میں انتقال کرگئے

اِن کی تصانیف میں ” بہارِ گنبدِ خضرا اور مدحتِ بابِ فخرِ اُمم شامل ہیں اِن کے سیکڑوں شاگرد آج اردو ادب میں قدآور شخصیت کے حوالے سے پہچانے جاتے ہیں اِن کی نمازِ جنازہ جامع مسجد بلال لانڈھی ساڑھے تین میں بعد نماز جمعہ اداکی گئی اِس موقع پر اردوادب اور دیگر شعبہ ہائے زندگی سے وابستہ افراد جن میں ڈاکٹر نثار احمددہلوی، رشیدخان رشید، محمد علی گوہر، رشیداحمدشمع انصاری، امین الدین امین بنارسی، نثار احمدنثاربریلوی، رئیس احمدرئیس بریلوی،محمداعظم عظیم اعظم، میاں قیصر، صلاح الدین قاسمی نوری، مجیب احمد مجیب، عبدالوحید، ظہوراحمد ظہور، یوسف شکوہ آبادی،سراج احمد ایڈوکیٹ، رئیس احمد ایڈوکیٹ، علی اکبر، سیدشاہدعلی، باباصلاح الدین، نسیم انصاری، نسیم احمدخان، وجیہ اللہ، عمران خان ، اکبراشرفی شامل تھے

اِن کے علاوہ دیگر عزیز واقارب کی بڑی تعداد بھی نمازِ جنازہ میں شریک تھی محروم کی تدفین لانڈھی نمبر 2 اسماعیل گوٹھ کے قبرستان میں عمل میں لائی گئی

ان کے بھائی رئیس احمد صدیقی کے مطابق مرحوم کا سوئم 8اپریل بروز اتوار بعدنماز ظہر تا عصر جامع مسجد بلال لانڈھی نمبر ساڑھے تین میں اور خواتین کے لئے قرآن خوانی کا اہتمام اِن کی رہائش گاہ مکان نمبر 27گلی نمبر36ایریا 37-Aلانڈھی میں کیاجائے گا۔