‎ مالیگاؤں کے بزرگ شاعر وادیب حضرت عتیق احمد عتیق رِحلت کر گئے

‎ممبئی: 15اپریل2012۔(ندیم صدیقی) اُردو کے مشہور سینئر شاعر اور ادیب 89
‎سالہ عتیق احمد عتیق(انجمی) آج یہاں ایک ہسپتال میں انتقال کر گئے۔
‎عتیق احمد عتیق مالیگاو ¿ں کے بزرگ شعرا کے سلسلے کی آخری آخری کڑی تھے۔
‎ان کا ایک شعری مجموعہ” نور ِفردا“ 1964 میں شائع ہو چکا ہے۔

‎ مرحوم عتیق احمد عتیق بدایوں اسکول کے ممتاز اُستاد حضرتِ انجم فوقی
‎بدایونی سے سلسلہ ¿ تلمذ رکھتے تھے۔ بعدہ ¾ جب حضرت ِانجم فوقی پاکستان
‎ہجرت کر گئے تو انہوں نے حضرت اعجاز صدیقی سے بھی مشورہ ¿ سخن کیا۔ عتیق
‎احمد عتیق نے گزشتہ صدی کی ساتویں دہائی میں مالیگاو ¿ں سے ” توازن“ نامی
‎ادبی جریدہ بھی جاری کیا جس کا تازہ شمارہ ابھی چند ماہ قبل ہی منظر عام
‎پر آیا تھا۔

‎عتیق احمد عتیق اپنے جریدے ” توزان“ کے حوالے سے بھی برِصغیر کے ادبی
‎حلقوں میں اپنی ایک شناخت رکھتے تھے۔ ’توازن‘ کے پڑھنے والوں کا ایک بڑا
‎حلقہ پاکستان میں بھی اسی طرح ہے جس طرح ہندوستان میں اس کے شائقین ہیں۔
‎توازن کے اب تک کوئی سو شمارے شائع ہو چکے ہیں۔

‎ عتیق احمد عتیق مالیگاو ¿ں کے ایک مدرسے ”بیت العلوم “سے فارغ تھے۔ جہاں
‎اُنھیں مولانانقی جیسے استاد بھی ملے جن سے انھوں نے بہت کچھ سیکھا۔
‎ عتیق احمد عتیق اِدھر کچھ دنوں سے علیل تھے ،اُن کے بیٹے انھیںبغرضِ
‎علاج ممبئی لے آئے تھے یہاں انھیں ایک ہسپتال میں داخل کیا گیا تھا جہاں
‎آج دوپہر اُنہوں نے آخری سانس لی۔ ان کا جسد خاکی مالیگاو ¿ں لے جایا
‎گیا۔

‎ عتیق احمد عتیق کے پسماندگان میں بیوہ کے ساتھ پانچ بیٹے اور چار بیٹیاں
‎ہیں۔ آج رات اُن کے جسد ِخاکی کو مالیگاوں کے ’بڑے قبرستان‘ میں سپردِ
‎لحد کر دیا گیا۔ اس موقع پر ان کے اعزہ، مداح و احباب اور تلامذہ کے ساتھ
‎مالیگاو ¿ں کی ممتاز شخصیات موجود تھیں۔