پاک یورو جرنلسٹس فورم کے22 اپریل کو فرینکفرٹ میں ہونے والے کامیاب افتتاحی اجلاس اور علامہ اقبال کے یوم وفات کی مناسبت سے ہونے والے سیمینار پر دنیا بھر سے ادیبوں،صحافیوں اور دانشوروں کے مبارکباد کے پیغامات بھیجنے کا سلسلہ جاری ہے۔

خیر خواہوں نے اس یقین کا اظہار کیا ہے کہ پاک یورو جرنلسٹس فورم پاکستانی صحافیوں کو  یورپ بھر میں موجود سائبر صحافیوں کے قریب تر لانے میں مدد دے گا اور خبروں کی تقسیم میں مددگار ہو نے کے ساتھ ساتھ پاکستان کے تشخص کو بہتر بنائے گا

اکثر احباب نے اپنے پیغامات میں پاک یورو جرنلسٹس فورم اور اسکے مرکزی قائدین کے خلاف چند شرپسند اور مفاد پرست حلقوں کی بے جا تنقید اور جھوٹے پرپیگنڈے کی مذمت کی اور کہا کہ ایسے حلقوں کو اپنا وقت جھوٹے الزامات لگانے اور سازشیں کرنے کی بجائے کچھ مثبت کام کرنے میں صرف کرنا چاہیئے

کینڈا کے شہر وینکور سے معروف ادیب،شاعر اور دینی موضوعات پر متعدد مستند کتابوں کی مصنف جناب شمس جیلانی نے پاک یورو جرنلسٹس فورم کے چیئرمین صفدر ھمدانی کے نام  اپنے تہنیتی پیغام فورم کے باقاعدہ آغاز پر مسرت کا اظہار کیا ہے اور یقین ظاہر کیا ہے کہ اس صحافتی فورم میں جس معیار کے لوگ موجود ہیں اسی معیار کی کارکردگی کا مظاہرہ ہو گا۔ انہوں نے کہا کہ سب سے زیادہ خوش آئیند بات یہ ہے کہ یہ روایتی قسم کا فورم نہیں بلکہ اس سے دکھاوے کی تقریبات کی بجائے سے ذہنی اور فکری بیداری کی تقریبات منعقد کرنے کا اعـلان کیا گیا ہے اور اسکی پہلی مثال افتتاحی تقریب کے موقع پر علامہ اقبال کے یوم وفات کی مناسبت سے ہونے والا سیمینار ہے

جناب شمس جیلانی نے اس امر پر افسوس کا اظہار کیا کہ ہمارے معاشرے میں بے مقصد مخالفت اور بے سروپا الزامات کا رواج ایک زہر کی طرح سرایت کر چکا ہے اور یہ کام وہ لوگ بھی کرتے ہیں جو خود کو بڑا صحافی،پڑھا لکھا فرد یا ادیب شاعر کہتے ہیں۔
انہوں نے فورم کو مشورہ دیا کہ وہ ایسے لوگوں کی سوچ کو مسترد کرتے ہوئے اپنا سفر درست سمت میں جاری رکھیں۔ انہوں نے فورم کی کامیابی کے لیئے بھی دعا کی

امریکہ کے شہر لاس اینجلس سے مقامی اخبار ''بیداری'' کے مدیر خاور بسمل نے پاک یورو جرنلسٹس فورم کے قیام اور جرمنی میں ہونے والی فورم کی افتتاحی تقریب کی کامیابی پر اپنے اخبار اور خود اپنی طرف سے مبارکباد کا پیغام بھیجا ہے اور امید ظاہر کی ہے کہ اس فورم کو یورپ سے باہر بھی وسعت دی جائے اور اس فورم کا یہ بہت بڑا کام ہو گا کہ اگر دنیا بھر میں پھیلے ہوئے اردو صحافت کو ذاتی مقاصد کے لیئے استعمال کرنے والے نام نہاد صحافیوں کا محاسبہ کرے اور دیانت دار اور پیشہ ور صحافیوں کو ایک مسےند پلیٹ فارم مہیا کرے۔ انہوں نے پی ای جے ایف کے تمام عہدے داروں کو مبارکباد دی اور انکی کامیابی کی دعا کی

مشرقی یورپ کے شہر یوکرین سے صحافی اور شاعر اور متعدد روسی اخبارات میں خبریں تحریر کرنے والے نعمان عالم نے پاک یورو جرنلسٹس فورم کے باقاعدہ آغاز کے موقع پر ہونے والی کامیاب تقریب پر فورم کے تمام عہدے داروں کو مبارک دی اور مستقبل میں انکی کامیابی کی دعا کی ہے۔ اپنی ایک ای میل میں نعمان عالم نے کہا ہے کہ مجھ جیسے لوگ جو دنیا کے ایک ایسے کونے میں پاکستان اور اردو صحافت کے لیئے اپنی بساط بھر کوشش جاری رکھے ہوئے ہیں انکے لیئے ایسا فورم ایک نوید بھی ہے اور درسگاہ بھی۔

نعمان عالم نے اس خوہش کا اظہار کیا کہ فورم کے منتظمین مشرقی یورپ کے اس دورافتادہ شہر یوکرین سے مجھ جیسے صحافی کو بھی اس فورم کا حسہ بنائیں گے۔ انہوں نے کہا کہ مجھ جیسے نوجوانوں کو اپ جیسے سینئر اور تجربہ کار صحافیوں کی عملی مدد کی ضرورت ہے۔ انہوں نے اس پر افسوس کا اظہار کیا کہ ہمارے معاشرے میں اب دو دن کا کرنے والا اور دو فقرے لکھنے والا بھی خود کو ''سیئر صحافی'' لکھتا ہے اور اسکی کسی فورم پر پکڑ نہیں ہوتی۔ انہوں نے امید ظاہر کی کہ ایسے جعملی اور نام نہاد بلکہ مفاد پرست لوگوں کو طشت از بام کیا جائے اور پاک یورو جرنلسٹس فورم کو اسکی ابتدا کرنی چاہیئے

جاری ہے