‎فرینکفرٹ سے جاری ہونے والے ایک بیان کے مطابق عالمی اخبار کے بیورو چیف برائے برطانیہ  سید اکمل حسین کے بھانجے کی وفات پر جرمنی میں پاک یورو جرنلسٹس فورم کے سعید خان ، طاہر ملک ، عبدالقدوس ، زاہد افضل ، محمود اور دانیال رضا نے اظہار تعزیت کرتے ہوئے کہا کہ ہم سید اکمل کے غم میں برابر کے شریک ہیں اور مرحوم کے اہل خانے سے تعزیت کے ساتھ ساتھ ان کے لیئے صبرجمیل کی دعا ہیں

عالمی اخبار کا ادارتی بورڈ اور قلم کار و قارئین کی اکمل سید اور انکے خانوادے سے تعزیت کی ہے

تعزیتی پیغامات ہائیڈل برگ کے سید جمال الدین، کولون کے باقر زیدی، فرانس سے میاں امجد،یونان کے سکندر چوہان،لاہور کے احتشام جمیل شامی،سڈنی کی ڈاکٹر نگہت نسیم،جرمنی کے ارشاد ہاشمی اور برمنگھم کی ڈاکٹر شبانہ کاظمی نے بھی ارسال کیئے ہیں

یاد رہے کہ سید اقرار حسین ترمذی بن حکیم سید اقتدار حسین ترمذی  مورخہ ١٦ مئی ٢٠١٢ کو شاہ جیونہ ضلع جھنگ میں انتقال کر گئے مرحوم کو آج سترہ مئی کی صبح نو بجے شاہ جیونہ کہ قبرستان میں اپنی والدہ کے پہلو میں سوگواروں کے جم غفیر میں  سپرد لحد کیا گیا

 مرحوم کی عمر 59 سال تھی اور گزشتہ چند روز سے صاحب فراش تھے مرحوم ایک فقیرانہ زندگی گزارتے رہے تھے

مرحوم کی رسم قل  مورخہ ١٨ مئی ٢٠١٢ کو ادا کی جائے گی۔

  مرحوم کی والدہ خورشید فاطمہ عالمی اخبار کے بیورو چیف برائے لندن اور تحت اللفظ مرثیہ خوان  اکمل سید کی  ہمشیرہ تھیں  اور مرحوم اکمل سید کے بھانجے تھے۔ جو ١٩٧٣ میں انتقال کر چکی ہیں

مرحوم نے اپنے سوگواران میں دو بھائی سید بدر الحسن اور سید نعیم الحسن اور ایک ہمشیرہ سیدہ فاخرہ بانو کو چھوڑا ہے۔ برادران کراچی اور ہمشیرہ لاہور میں آباد ہیں۔
 
‎اکمل سید ان تمام افراد کے شکرگزار ہیں جنہوں نے  بذریعہ فون یا ای میل افسوس اور تعزیت کے پیغامات روانہ کئے اور مرحوم نے تمام احباب سے گزراش کی ہے کہ مرحوم کے لئے نماز وحشت ادا کریں اور مغفرت کی دعا بھی کریں