پاکستان کے نجی ٹی وی دنیا ٹی وی کا بحریہ ٹاؤن کے ملک ریاض کے پلانٹڈ انٹرویو کے حوالے سے سامنے آنے والا سیکنڈل اس امر کا غماز ہے کہ پاکستانی صحافت بھی پاکستانی سیاست کی طرح بدعنوان ہو چکی ہے۔ یہ مسلہ مہر بخاری اور لقمان مبشر کا ہی نہیں ایسے درجنوں صحافی ہیں جن کے منہہ کو خون لگا ہوا ہے اور جن کا کاروبار بلیک میلنگ پر چلتا ہے۔ ایسے صحافیوں اور ٹی وی چینلوں کے مالکان پر مقدمے چلنے چاہئیں۔

ایسے ہی صحافیوں کی نسلیں یہاں یورپی ممالک میں بھی آباد ہیں جنہوں نے صحافت کی الف ب نہیں پڑھی اور سفارتخانوں کے ایجنٹوں کے طور پر کام کرتے ہیں باقاعدہ سفارتخانوں سے پیسے لیتے ہیں اور ایمبیسی کا کھانا کھا کر خوش ہوتے ہیں۔ ایسے نام نہاد صحافیوں کو بھی عالمی صحافتی فورم پر ننگا کرنے کی ضرورت ہے

دنیا ٹی وی کا یہ شاخسانہ پاکستانی صحافت کے لیئے سیاہ دن ہے اور بیرونی ممالک میں میقم حقیقی صحافیوں کے لیئے ایک اور شرمندگی کا باعث۔ پاکستان میں اداروں کی تباہی کا یہ نیا باب ہے۔ دیکھتے ہیں خود پاکستان کی صحافتی تنظیمیں اس کا کیا نوٹس لیتی ہیں