معروف اديب ماہر تعليم پروفيسر آفاق صديقي طويل علالت کے بعد86سال کي عمر ميں کراچي کے نجي اسپتال ميں انتقال کرگئے ، وہ چاليس سے زائد کتابوں کے مصنف تھے،انہوں نے سوگواروں ميں ايک بيوہ اور بيٹا چھوڑا ہے.

پروفيسر آفاق صديقي نے شاہ جو رسالو کا اردو ترجمہ بھي کيا.آفاق صديقي 60 سال سے شعبہ تعليم سے وابستہ تھے،وہ گزشتہ ايک مہينے سے نجي اسپتال ميں زيرعلاج تھے.

جيونيوز پر آفاق صديقي کي بيماري کي خبر نشر ہونے کے بعد گورنر سندھ نے آفاق صديقي کے علاج کي ہدايت کي تھي.تاہم جيونيوز سے گفتگو کرتے ہوئے آفاق صديقي کي اہليہ روحي آفاق نے کہا کہ گورنر سندھ کي جانب سے اعلان کے باوجود رقم فراہم نہيں کي گئي ،انھوں نے بتاياکہ گورنر سندھ کے پي آر او ارشاد جيلاني نے گھر آکر ملاقات کي تھي اور فنڈ فراہم کرنے کا کہا تھا.

کل رات اچانک زيادہ طبيعت خراب ہوگئي ارشاد جيلاني کو فون کرتے رہے انھوں نے فون نہيں اٹھايا، روحي آفاق نے ايم کيو ايم کے قائد الطاف حسين کي جانب سے ايک لاکھ روپے دينے پر اُن کا شکريہ ادا کيا.آفاق صديقي کي نماز جنازہ بعد نماز عصربفرزون ميں ادا کي جائے گي،جبکہ تدفين سخي حسن قبرستان ميں ہوگي.