سید علی رضا کی والدہ مرحومہ

برسلز کی مرکزی امامبارگاہ میں گیارہ جنوری دوہزار آٹھ اتوار کے روز معروف سماجی اور مذہبی کارکن سید علی رضا کی والدہ تقیہ بی بی اور نانا سید نور زمان کے ایصال ثواب کی سالانہ مجلس عزا منعقد ہوئی جس میں جرمنی،فرانس،ہالینڈ اور دیگر یورپی ممالک کے عاشقان حسین ابن علی نے جوق در جوق شرکت کی ۔

 چار گھنٹے تک جاری رہنے والی اس مجلس عزا کئے اختتام پر نوحہ و ماتم کے بعد سوگواران حسین کے لیئے نیاز امام کا بندوبست تھا

سید علی رضا گزشتہ کئی برس سے عاشور محرم کے بعد پہلی اتوار کے موقع پر اس سالانہ مجلس عزا کا اہتمام کرتے ہیں جس میں عشرہ محرم کے لیئے دنیا بھر سےیورپ کے عزا خانوں  میں آئے ہوئے علما کی اکثریت شرکت کرتی ہے اور لندن سے شاعر آل عباء صفدر ھمٰدانی مرثیہ نو تصنیف پیش کرتے ہیں۔

اس مجلس عزا کا انتظام و انصرام عمران چوہدری کے ذمے اور نظامت سید اعجاز سیفی کے ذمے ہوتی ہے۔سید اعجاز سیفی نے اس

سید اعجاز سیفی

مرتبہ بھی اپنے مخصوص اور مقبول انداز میں اس سالانہ مجلس عزا کی نظامت کی۔

اس سال بھی اس مجلس عزا سے دیگر سوز خوانوں ،منقبت خوانوں اور مولانا حضرات کے علاوہ پونہ بھارت سے آئے ہوئے مولانا شبیہہ الحسن کاظمی اور مانچسٹر برطانیہ نے تشریف لائے مولانا اصغر یزدانی نے خطاب کیا اور شاعر آل عباء مرثیہ نگار صفدر ھمٰدانی ‘‘ماں‘‘ کے موضوع پر لکھے ہوئے اپنے تازہ مرثیے کے منتخب بند پیش کیئے۔

اختتام مجلس پر ماتم اور نوحہ خوانی ہوئی اور عزادارن حسین کے لیئے نیاز امام پیش کی گئی۔

میزبان سید علی رضا نے اس موقع پر خطبا،علما،شعرا اور دیگر شہروں سے خاص طور پر شرکت کرنے والے عزاداروں کا شکریہ ادا کیا اور انہیں رخصت کیا۔

اس مجلس عزا کی چند تصاویر