امریکہ کے شہر نیو جرسی میں مقیم پاکستان کی وزارت اطلاعات کے سابق افسر اور ایشیائی بنک کے ادارے ایشین پروڈکٹوٹی کے شعبہ اطلاعات کے سابق سربراہ سید سجاد ناظم زیدی آج جمعہ چودہ ستمبر کی صبح امریکہ کے شہر نیوجرسی میں انتقال کر گئے۔انکی تدفین کی تیاری کی جا رہی ہے
انا اللہ وانا الیہہ راجعون

انکی عمر کوئی اسی برس کے قریب بھی اور کچھ عرصہ پہلے ہی ڈاکٹرز نے پھیپھڑوں کا کینسر تشخیص کیا تھا لیکن رضائے الہی کہ وہ زیادہ دن حیات نہ رہ سکے اور آج جمعے کو روز اپنے خالق حقیقی سے جا ملے

انہوں نے پسماندگان میں اپنی اہلیہ ستارہ زیدی کے علاوہ بیٹی عاطیہ زیدی اور بیٹا حامد زیدی چھوڑے ہیں

انکی اہلیہ ستارہ زیدی ماضی میں پاکستان ٹیلی ویژن کی اردو نیوز کاسٹر رہنے کے علاوہ ریڈیو جاپان کی اردو سروس سے بھی وابستہ رہ چکی ہیں
ناظم زیدی بھارت کے شہر سہارن پور میں پیدا ہوئے تھے اور پاکستان ہجرت کے بعد وہ وزارت اطلاعات سے وابستہ رہے اور پھر بیس برس انہوں نے جاپان کے شہر ٹوکیو میں گزارے جہاں وہ ایشیائی بنک کے ذیلی شعبے پوڈکٹوٹی کے اطلاعات کے شعبے کے سربراہ تھے

ناظم زیدی اعلیٰ ادنی ذوق کے حامل تھے اور انہوں نے متعدد دینی کتب کی تدوین بھی کی ہے

وہ اپنے تین بہن بھائیوں میں سب سے بڑے تھے

عالمی اخبار کے ادارتی بورڈ نے انکے انتقال ہپر افسوس کا اظہار کرتے ہوئے انکی اہلیہ اور بچوں سے تعزیت کی ہے اور دعا گو ہیں کہ اللہ پاک انکو
 
جوار معصومین میں جگہ دے۔

قارئین سے درخواست ہے کہ وہ سید سجاد ناظم زیدی  ولد ہاشم زیدی کے لیئے ایک سورہ فاتحہ تلاوت فرمائیں اور نماز وحشت ادا کریں