صلیبِ عشق پر مصلوب ہوں میں
اسی اک جرم میں معتوب ہوں میں
۔۔۔۔۔۔۔۔۔۔۔۔۔۔
بس اس انعام پر میں مطمئن ہوں
مری قسمت ترا محبوب ہوں میں
۔۔۔۔۔۔۔۔
کوئی غالب نہیں آیا ہے مجھ پر
قفط اک تم سے ہی مغلوب ہوں میں
۔۔۔۔۔۔۔۔۔
نہ جس پر حرف ہے نہ لفظ کوئی
بس ایسا ہی لکھا مکتوب ہوں میں
۔۔۔۔۔۔۔۔۔۔۔۔۔۔
کوئی نسبت نہیں بھاتی ہے مجھکو
خود اپنے آپ سے منسوب ہوں میں
۔۔۔۔۔۔۔۔۔
میں آگاہ ہوں ترے شام وسحر سے
یوں کہنے کو مگر مجذوب ہوں میں
۔۔۔۔۔۔۔۔
بدن زخمی ہے صفدر روح زخمی
دیارِ صبر کا ایوب ہوں میں