سویڈن میں مقیم استاد اور شاعرہ عابدہ سیال کو سٹاک ہولم میں ایک خصوصی اور اہم تقریب میں استاد کے طور پر تیس سالہ خدمات پر اعزاز پیش کیا گیا ہے۔ عالمی اخبار انکی اس خوشی میں شریک ہے اور مبارک پیش کرتا ہے

اس سلسلے کی خاص تقریب سٹاک ہولم کے اس معروف سٹی ہال میں منعقد ہوئی جہاں دنیا بھر کے نابغہ روزگار افراد کو نوبل انعام دیا جاتا ہے

اس اعزاز کی بہت خاص بات یہ ہے کہ عابدہ سیال نے ان تیس برسوں میں بچوں کو اردو پڑھائی ہے اور اردو کی تریج کا کام کیا ہے اور سلسلہ استاد سے لیکر ایک مترجم کے طور پر جاری و ساری ہے

کاش اردو کی بڑی بڑی بستیوں بشمول پاکستان کے اردو پڑھانے والے اساتزہ کے لیئے ایسا کوئی اعزاز ہو اور کاش سویڈن کے پاکستانی مل کر پاکستان کی اس بیٹی کے لیئے انہیں خراج تحسین پیش کرنے کے لیئے کوئی اہم تقریب منعقد کریں

سویڈن میں پاکستانی سفیر اور پاکستانی سفارتخانے کی بھی یہ ذمیداری ہے کہ وہ وہ تیس سال تک سویڈن میں اپکستان اور اردو کا نام روشن کرنے والی عابدہ سیال کو حکموت پاکستان کی طرف سے کوئی اعزاز یا کم از کم کوئی تعریفی سند ہی عطا کرے

یورپ میں پاکستانی صحافیوں کی تنظیم پاک یورو جرنلسٹس فورم نے بھی اری کردہ اپنے ایک بیان میں عابدہ سیال کو اس اعزاز پر مبارکباد دی ہے اور انکی کامیابی کی دعا کی ہے