ہر سال کی طرح اس سال بھی مکہ مکرمہ میں روح پروح تقریب میں غلاف کعبہ تبدیل کردیا گیا ، غلاف کی تبدیلی خادم حرمین الشریفین شاہ عبدالعزیز کی سربراہی میں کی گئی۔
ہر سال کی طرح اس سال بھی نو ذی الجہ کو مکہ مکرمہ میں غلاف کعبہ کی تبدیلی کی روح پرور تقریب کا اہتمام کیا گیا۔
غلاف کعبہ کی تبدیلی سے قبل بیت اللہ کو عراق گلاب اور آب زم زم سے غسل دیا گیا۔ روح پرور تقریب میں مسجد حرام کے پیش امام ، سعودی وزراء اور دیگر اعلی شخصیات شریک ہوئے۔
نئے غلاف کعبہ میں دو کڑور ریال سے زیادہ کی لاگت آئی ہے اس کی تیاری میں چھ سو ستر کلو گرام ریشم جبکہ اس پر لکھی جانےو الی آیات پر ایک سو بیس کلوگرام سونے کا تار استعمال کیا گیا ہے۔اس کا سائز چھ سو ستاون مربع میٹر ہے اور یہ کئی حصوں پر مشتمل ہے۔
مکہ مکرمہ میں خصوصی طور پر بنائی گئی فیکڑی دارلکسو میں غلاف کعبہ تیار کیا جاتا ہے ۔ اترا جانے والا غلاف مختلف ملکوں سے آئے سربراہان مملکت کو بطور تحفہ تقسیم کیا دیا جاتا ہے۔
خانہ کعبہ کی دیواروں کو سیاہ رنگ کے نفیس ریشمی دھاگوں سے تیار کردہ کپڑے سے ڈھانپا جاتا ہے جسے عربی میں کسوا کہتے ہیں۔ اس مقدس غلاف کی تیاری میں چھ سو ستر کلو گرام خالص ریشم ایک سو بیس کلو سونا اور پچاس کلو چاندی کی باریک تاروں کا استعمال کیا گیا ہے۔
غلاف پر اللہ عزو جل کے اسما حسنہ، قرآنی آیات، انتہائی باریک بینی و نفاست سے کندہ کیے گئے ہیں۔ خانہ کعبہ کی عظمت و جلا ل کے پیش نظر غلاف کو یکتائے روزگار بنانے کے لیے شاہ عبد العزیز نے تیرہ سو چھیالیس ہجری کو مکہ مکرمہ میں فیکٹری کا سنگ بنیاد رکھا ۔
تیرہ سو بیاسی ہجری میں خادم الحرمین الشریفن شاہ فیصل نے باقاعدہ فیکٹری کے قیام کا حکم نامہ جاری کیا اور تیرہ سو ستانوے ہجری میں فیکٹری کی جدید عمارت کو خود کار مشینوں اور آلات سے مزین کر دیا گیا۔ اس سے قبل غلاف کعبہ روایتی طریقوں سے تیار کیا جاتا تھا ۔غلاف کعبہ ہر سال نو ذی الحج کو تبدیل کیا جاتا ہے۔
(0) آپکی رائے
پرنٹ
احباب کو بتائیے
اُوپر