‎ممبئی : (ندیم صدیقی)دہلی سے ملنے والی اطلاع کے مطابق اُردو کے ممتاز
‎ادیب و مترجم ڈاکٹراطہر فاروقی کو انجمن ترقی اردو ہند کا جنرل  سیکرٹری بنا دیا گیا ہے۔

‎         اطہر فاروقی کی اُردو کی کئی کتابیں شائع ہو چکی ہیں۔ اُنہوں نے مشہور
‎محقق رشید حسن خان پر ماہ نامہ کتاب نما (دہلی)کا خصوصی نمبر بھی مرتب
‎کیا ہے ۔ مشہور شاعر مخمور سعیدی کے فن پر ”مخمور سعید ی ایک مطالعہ “
‎نامی کتاب بھی انہی کی مرتب کردہ ہے۔

‎سلمان خورشید (وزیر خارجہ حکومت ہند)کا ڈرامہ ’بابر کی اولاد‘ (ہندستان
‎کی تلاش میں ایک پلے)کا ترجمہ اور تلخیص بھی موصوف ہی نے کی ہے۔یہ کتاب دو ہزار آٹھ
‎ میں مشہور اشاعتی روپا نے شائع کی ہے۔ اطہر فاروقی اردو کے علاوہ
‎انگریزی میں بھی لکھتے ہیں۔

‎         ان کی اس تقرری سے ادبی حلقوں میں توقع کی جارہی ہے کہ اب انجمن پہلے
‎سے زیادہ متحرک اور فعال ہوگی اور اُردو کی ترقی اور فروغ کے راستے کھلیں
‎گے۔