انھوں نے اپنے اس فن کی بدولت بھارتی موسیقی کو عالمی سطح پر مقبولیت دلائی۔ روی شنکر کو تین گریمی ایوارڈ بھی ملے تھے۔

بھارت کے وزیراعظم منموہن سنگھ نے روی شنکر کے انتقال پر دکھ  کا اظہار کرتے ہوئے کہا کہ وہ ملک کا اثاثہ اور سفیر تھے۔

انھیں بھارت کے تین اعلیٰ ترین سول اعزازات پدم بھوشن، پدم وبوشن اور بھارت رتن سے بھی نوازا جا چکا تھا۔

پنڈت روی شنکر اپریل 1920 میں بھارتی شہر بنارش میں پیدا ہوئے۔ 18 برس کی عمر میں ستار بجانا شروع کیا اور پھر دیکھتے ہی دیکھتے شہرت کی بلندیوں پر پہنچے۔

انھوں نے بھارت کی روایتی موسیقی کو مغرب میں مقبول عام کرنے میں کلیدی کردار ادا کیا۔

امریکی گلوکارہ نَوراہ جونز ان کی صاحبزادی ہیں جب کہ ان کی ایک بیٹی انوشکا شنکر بھی مقبول ستار نواز ہیں۔

ان کے خاندان کا کہنا ہے کہ شنکر کو گزشتہ ہفتے سانس لینے میں تکلیف کی وجہ سے سان ڈیاگو کے ایک ہسپتال میں داخل کیا گیا تھا ، جہاں ان کی صحت سرجری کے بعد خراب ہو گئی اور وہ جانبر نہ ہو سکے۔

شنکر کو مشہور بینڈ ‘دی بیٹلز’ کے ساتھ کام کرنے کی وجہ سے عالمی شہرت حاصل ہوئی تھی۔

ہندوستان کے وزیر اعظم من موہن سنگھ نے انہیں قومی اثاثہ اور ملکی ثقافت کا عالمی سفیر قرار دیا ہے۔

رائٹرز نے شنکر کی بیوی سوخینہ اور بیٹی انوکشہ کے حوالے سے بتایا کہ پھیپھڑوں میں انفیکشن سے متاثر ہونے کے بعد ان کی حال ہی میں سرجری ہوئی تھی اور امید تھی کہ اس سے انہیں نئی زندگی ملے گی۔

‘تاہم، بدقسمتی سے، ڈاکٹروں کی ان تھک محنت اور نگہداشت کے باجود ان کا جسم سرجری  کا دباؤ برداشت نہ کر سکا’۔

ان کے خاندان کا کہنا تھا کہ شنکر کے انتقال کے وقت سب اہل خانہ ان کے بستر کے قریب ہی موجود تھے۔

‘یہ وقت انتہائی دکھ بھرا اور تکلیف دہ ہے اور ہم شکر گزار ہیں کہ شنکر ہماری زندگیوں کا حصہ رہے، وہ ہمیشہ ہمارے دلوں میں اور اپنی موسیقی میں زندہ رہیں گے’۔

واضح رہے کہ شنکر کی بیٹی انوکشہ خود بھی ستار نواز ہیں جبکہ ان کی دوسری بیٹی گلوکارہ نورا جونز گریمی ایوارڈ جیت چکی ہیں۔