پاکستان میں تھیٹر کو فروغ دینے والے رفیع پیرتھیٹر کے ڈائریکٹر فیضان پیرزادہ انتقال کرگئے۔۔ان کی نماز جنازہ لاہور میں ادا کی گئی۔ 

رفیع پیر تھیٹر کے ڈائریکٹر فیضان پیرزادہ مختصر علالت کے بعد انتقال کرگئے،مرحوم کی  عمر چون سال تھی۔

ورثاء کے مطابق انھیں سینے میں تکلیف ہوئی تو اسپتال لے جایا جارہا تھا کہ راستے میں ان کی روح پرواز کرگئی۔ ان کے گھروالوں کا کہنا ہے کہ فیضان پیرزادہ کو اس سے قبل کبھی بھی دل کی معمولی تکلیف تک نہ ہوئی تھی۔ مرحوم نیشنل کالج آف آرٹس سے فارغ التحصیل تھے۔ 

پاکستان میں پتلی تماشے کو فروغ دینے میں ان کا اہم کرداررہا۔ پسماندگان میں ایک بیوہ اور دو بچے شامل ہیں۔ ان کی نماز جنازہ سپہر تین بجے ان کی رہائش گاہ گرین ولاز رائے ونڈ روڈ پر ادا کی گئی ۔