سندھ کے عظیم صوفی شاعر حضرت شاہ عبدللطیف بھٹائی  کا دو سو انہتر واں تین روزہ سالانہ عرس شروع ہوگیا۔

 اس موقع پر انتظامات کو حتمی شکل دینے کیلئے بھٹ شاہ ریسٹ ہاؤس میں ڈی سی مٹیاری شاہد علی لغاری کی صدارت اجلاس ہوا جس میں درگاہ کے سجادہ نشین کے فرزند سید خاور حسین شاہ بھٹ شاہ بیوٹیفکیشن کے چیئرمین پیر مظہر علی شاہ نازن پیر سمیت مختلف محکمہ جات کے اعلیٰ افسران نے شرکت کی ۔ 

ڈی سی مٹیاری شاہد علی لغاری نے میڈیا سے گفتگو میں کہاکہ شاہ صاحب کے عرس مبارک میں شرکت کے لئے آنیوالے زائرین کو ہرممکن سہولیات سے نوازا جائیگا۔

 تین روزہ عرس کے موقع پر سکیورٹی کے انتظامات سخت کئے گئے ہیں جبکہ مزار اور دوسرے اہم مقامات پر واک تھروگیٹ بھی لگائے گئے ہیں ۔