برصغیر کے معروف صوفی بزرگ علی ہجویری المعروف حضر ت داتاگنج بخش کے نو سو انہتر ویں عرس کی تین روزہ تقریبات کا باقاعدہ آغاز وزیر اعلی پنجاب شہباز شریف نے کردیا ہے۔

حضرت علی بن عثمان ہجویری کے نو سو انہتر ویں عرس کی تین روزہ تقریبات کا باقاعدہ آغاز وزیر اعلی شہباز شریف نے رسم چادر پوشی کے ساتھ کیا ۔

 عرس کی سیکیورٹی کے لیے سترہ سو پولیس اہلکار جبکہ تین سو پچاس محکمہ اوقاف کے سیکیورٹی اہلکارتعینات ہیں۔ عرس کی نگرانی کے لیے اسی سی سی ٹی وی کیمرے اور بیس واک تھرو گیٹس بھی نصب کیے گئے ہیں۔

عرس میں شرکت کیلئے دنیا بھر سے عقیدت مندوں کی آمد کا سلسلہ پچھلے کئی روز سے شروع ہوچکا ہے ۔داتا دربار پر آنے والے حاضری کے بعد نوافل اور فاتحہ خوانی کے ساتھ ساتھ خصوصی منتیں مانتےاور چراغ بھی روشن کرتے ہیں ۔

عقیدت مند عرس تقریبات میں شرکت کرنے والوں کی تو ا ضع خصوصی لنگر سے کی جارہی ہے جسے بانٹنا اور کھاناحضر ت علی ہجویری کے چاہنے والے اپنی سعادت سمجھتے ہیں۔عقیدت مند حضر ت داتا گنج بخش کے عرس کی تقریبات تین جنوری تک جارہی رہیں گی ۔