حضرت سید علی ہجویری المعروف داتا گنج بخش کے 969ویں عرس کی تقریبات 3 روز بھی جاری ہیں ۔ اے آر وائی کیوٹی وی اور محکمہ اوقاف پنجاب کی جانب سے محفل نعت کا انعقاد کیا گیا۔
حضرت داتا گنج بخش رحمتہ اللہ کے عرس کے دوسرے روز اے آر وائی کیوٹی وی اور محکمہ اوقاف پنجاب کی جانب سے محفل نعت میں تلاوت قاری نجم المصطفیٰ اور قاری غلام فرید نے کی جبکہ نعت خوانوں میں سید فصیح الدین سہروردی، حافظ مرغوب ہمدانی، نور سلطان صدیقی، سعید ہاشمی، محمد شہباز قمر فریدی، قاری محمد افضال انجم، وصاف احمد ہمدانی، صاحبزادہ احسن اجمل، حافظ خلیل سلطان اشرفی، عبد الوحید چشتی، ساجد علی سیفی، حافظ محمد یونس اور دیگر نے ہدیہ نعت و منقبت کے نذرانے پیش کیئے ۔
اس محفل کی صدارت پیر سید ناظم علی نظامی شاہ نے کی اور مہمان خصوصی پیر سید عمران احمد ولی شاہ تھے۔ محفل میں زائرین کی بہت بڑی تعداد نے شرکت کی اور نعت خوانوں کو سہرایا۔ اے آر وائی کیو ٹی وی نے محفل نعت کو اپنی خصوصی نشریات میں شامل رکھا ۔
(0) آپکی رائے
پرنٹ
احباب کو بتائیے
اُوپر