لندن کے معروف علاقے ساؤتھ آل کے ٹاؤن ہال کے سامنے پانچ جنوری ہفتے کی سرد شام میں لیبر ایلنگ کے شعبہ خواتین کے زیر اہتمام بھارت میں گزشتہ دنں بدترین جنسی تشدد سے ہلاک ہونے والی طالبہ کے حق میں ایک شمع بردار احتجاجی مظاہرہ کیا 

گیا جسمیں بڑی تعداد میں ہندؤں، سکھوں، مسلمانوں، عیسائیوں اور دیگر عقائد کے مردوں،عورتوں اور بچوں نے شرکت کی جنہوں نے ہاتھوں میں روشن شمعیں اٹھا رکھی تھیں

اس احتجاجی مظاہرے سے خطاب کرنے والی خواتین  نے اس امر پر افسوس کا اظہار کیا کہ اکیسویں صدی میں بھارت کا یہ بدنما چہرہ دنیا بھر میں تشویش کی نگاہ سے دیکھا جا رہا ہے اور ایسے میں اس کی شدید کی ضرورت ہے کہ بھارت میں عورتوں کے خلاف روز افزوں جنسی تشدد کے خلاف سخت ترین قوانین بنائے جائیں اور ان پر عمل کیا جائے۔

اس موقع پر خواتین نے جو پلے کارڈ اٹھا رکھے تھے ان پر عورتوں کے خلاف ہونے والے جنسی تشدد کی مذمت کی گئی تھی۔