‎لندن کے مشرقی علاقہ میں رہائش پذیر سید مظہر حسین شاہ کاظمی گزشتہ شب اس جہاں فانی سے کوچ کر گئے مرحوم دو روز قبل مشرقی لندن کے اک شفاخانہ میں اپنے کان کے علاج کی غرض سے شفاخانہ میں داخل ہوئے تھے مگر کسی کو کیا معلوم کہ مرحوم اس شفاخانہ میں آخری بار داخل ہو رہے ہیں

علاج کے لئے خون دیا گیا جسس کے بعد مرحوم دو روز رو بہ صحت رہے مگر گزشتہ رات ان کی صحت اچانک خراب ہوئی اور دل کا عارضہ جان لیوا ثابت ہوا۔ مرحوم کی میری آخری ملاقات صفر کی ایک مجلس میں ہوئی جو ان کے دولت کدہ پر منعقد ہوئی تھی دوران گفتگو انہوں نے بتایا کہ وہ تقربیا` ٦٤ برس کی عمر پا چکے ہیں مرحوم کافی عرصے سے فالج کے عارضہ میں متبلا تھے جو ان کی دائیں ٹانگ پر تھا مگر وہ اس سے کافی بہتر تھے اور اپنے روز مرہ کے کام بہ خوبی انجام دیتے تھے۔  ٢٠٠٨ میں سید صاحب زیارت کربلا سے سفر پر گئے جسے قافلے کے ہمراہ وہ تشریف لے گئے تھے اس قافلے میں ناچیز بھی شامل تھا اور مرحوم کے ہمراہ بھی ہم سفر رہنے کا موقع ملا

 مرحوم سے زیارت کے دوران علمی اور ادبی گفتگو بھی ہوتی رہی مرحوم پاکستان ضلع گجرات کے ایک گائوں شادیوال کے رہنے والے تھے اور عزاداری کے حوالے سے ایک معروف ہستی تھے اور شادیوال کے عاشور کا جلوس مرحوم کے نامی ہی منسوب ہے۔  لندن  میں مرحوم کے  دوست چوہدری مقبول نے ان کی وفات کی اطلاع کی جناب چوہدری صا حب بھی ان کے شریک سفر ۲۰۰۸ میں رہے چکے ہیں۔ ہر سال ایام عزا میں مرحوم انتظامات کے سلسلے میں شادیوال تشریف لے جاتے تھے مگر اس سال نہ جا سکے اور ایام عزا لندن میں ہی گزارے ۔
‎مرحوم کی نماز جنازہ  کی اطلاع کا ابھی تک فیصلہ نہیں ہو سکا کیوں کے ابھی تک لاش ورثاں کے حوالے نہیں ہوئی کیوںکہ آج تعطیل ہے اور شفاخانہ میں بھی تعطیل ہے۔
 
‎ مرحوم کی نماز جنازہ بروز منگل بعد ظہرین سکینہ ٹرسٹ میں ادا کی جائے گی
‎مرحوم  نے اپنی زوجہ کے علاوہ  تین بیٹیاں اور تین بیٹے سوگوار چھوڑے ہیں۔ مرحوم عرصہ دراز سے اینفیلڈ میں رہائش پذیر تھے ۔

عالمی اخبار کے تمام ارکان ان کے سوگ میں برابر کے شریک ہیں اور دعا گو ہیں کہ مرحوم کو محمد و آل محمد کے جوار خاص میں جگہ عطا فرمائے اور ان کے درجات کی بلندی ہو۔