سنی اتحاد کونسل کےسربراہ صاحبزادہ فضل کریم کی نمازجنازہ فیصل آباد میں ادا کردی گئی۔ مفتی منیب الرحمان، چوہدری شجاعت حسین سمیت ہزاروں افراد نے شرکت کی۔
سربراہ سنی اتحاد کونسل کے سربراہ صاحبزادہ فضل کریم کی نمازجنازہ فیصل آباد کے دھوبی گھاٹ گراؤنڈ میں ادا کی گئی۔ نماز جنازہ شیخ الحدیث مولانا محمد شریف رضوی نے پڑھائی۔ نمازجنازہ میں مفتی منیب الرحمان، ثروت اعجاز قادری، حاجی حنیف طیب، خلیفہ اجمیر شریف پیر محمد بلال اجمیری، صدر علماء بورڈ امین الحسنات شاہ، راجا ریاض احمد، چوہدری شجاعت حسین، عابد شیر علی، ایم کیو ایم رہنماوں سیف یارخان، محمد عتیق، وسیم کھوکھر اور منور حفیظ مختلف شعبوں سے تعلق رکھنے والے افراد کی بڑی تعداد نے شرکت کی۔
نماز جنازہ کے موقع پر رقت آمیز مناظردیکھنے میں آئے۔ اس موقع پر مرکزی نائب امیر جمعیت اہلحدیث مولانا یوسف انور صاحبزادہ فضل کریم تمام مکاتب فکر میں یکساں مقبول تھے ۔ تحریک نظام مصطفےٰ اور تحریک ختم نبوت میں نمایاں کردار ادا کیا ۔نماز جنازہ کے موقع پر سیکیورٹی کے سخت انتظامات کیے گئے
..............................
سنی اتحاد کونسل کے سربراہ صاحب زادہ فضل کریم کی نماز جنازہ آج ادا کی جائے گی۔ وہ گزشتہ روز فیصل آباد میں انتقال کر گئے تھے۔صاحب زادہ فضل کریم جگر کے عارضے میں مبتلا تھے اور انہیں 4 اپریل کو الائیڈ اسپتال فیصل آباد میں داخل کرایا گیا تھا۔ پیر کو ان کی حالت بگڑ گئی اور وہ خالقِ حقیقی سے جاملے۔
ان کی نماز جنازہ آج صبح 10 بجے دھوبی گھاٹ گراوٴنڈ فیصل آباد میں ادا کی جائے گی۔سنی اتحاد کونسل کی مجلس شوریٰ نے مرحوم کے بیٹے حامد رضا کو کونسل کا قائم مقام چیئرمین مقرر کیا ہے اور وہ اپنے والد کی جگہ قومی اسمبلی کی نشست پر الیکشن میں حصہ لیں گے۔ حامد رضا کا کہنا ہے کہ وہ اپنے والد کے مشن کو آگے بڑھائیں گے۔
سنی اتحاد کونسل کے سربراہ صاحبزادہ فضل کریم انتقال کرگئے۔ اسپتال ذرائع کے مطابق صاحبزادہ فضل کریم کو 14اپریل 2013 کو الائیڈ اسپتال میں جگر کے عارضے کے علاج کے لئے داخل کیا گیا تھا ،وہ2دن سے بے ہوشی میں تھے
تاہم آج وہ دوران علاج ہی انتقال کر گئے ۔صاحبزادہ فضل کریم جگرکے عارضہ پیام موت بن گیا اور وہ اسیکے باعث الائیڈ اسپتال میں دوران علاج اس جہان فانی سے کوچ کر گئے ۔ عالمی اخبار کے تمام کارکن مرحوم کے خانواے سے تعزیت کرتا ہے اور دعا گو ہے کہ مرحوم کے لوحقین کو صبر جمیل عطا فرمائے
(0) آپکی رائے
پرنٹ
احباب کو بتائیے
اُوپر