لندن میں ایک نئی تحقیق سے یہ بات سامنے آئی ہے کہ ریٹائرمنٹ انسان پرجسمانی اور ذہنی طور پر مضر اثرات مرتب کرتی ہے ۔

برطانیہ کے انسٹی ٹیوٹ آف اکنامکس افیئرز کی تحقیق نے ثابت کیا ہے کہ جب تک انسان خود کو کام کاج میں مصروف رکھتا ہے وہ جسمانی اور ذہنی طور پر مضبوط رہتا ہے، لیکن ریٹائرمنٹ کے بعد وہ ذہنی اور جسمانی طور پر کمزور ہوتا چلا جاتا ہے۔

اسلیئے لوگوں کو چاہیے کہ وہ ریٹائرمنٹ کے بعد بھی خود کو کاموں میں مصروف رکھیں تاکہ صحت مندانہ زندگی کے ساتھ معاشی حالات میں بھی کچھ بہتری آسکے۔ رپورٹ کے مطابق اسی وجہ سے وہ اپنی صحت کا زیادہ خیال بھی رکھ سکتے ہیں۔