عرب دینا میں رمضان اور کھجوریں لازم ملزوم ھیں کجھوروں سے روزہ افطارکرنا سنت ھے

کھجور ایک قسم کا پھل ہے۔ کھجور زیادہ تر خلیج فارس کے علاقے میں پائی جاتی ہے۔  دنیا کی سب سے اعلٰی کھجور عجوہ ہے جو سعودی عرب کے مقدس شہر مدینہ منورہ اور مضافات میں پائی جاتی ہے۔ کھجور کا درخت دنیا کے اکثر مذاہب میں مقدس مانا جاتا ہے۔ مسلمانوں میں اس کی اہمیت کی انتہا یہ ہے کہ حضور اکرم صلی اللہ علیہ وسلم نے تمام درختوں میں سے اس درخت کو مسلمان کہا ہے کیونکہ صابر، شاکر اور اللہ کی طرف سے برکت والا ہے۔ 

قرآن مجید اوردیگر مقدس کتابوں میں جابجا کھجور کا ذکر ملتا ہے۔ نبی کریم صلی اللہ علیہ وسلم نے فرمایا کہ “جس گھر میں کھجوریں نہ ہوں وہ گھر ایسا ہے کہ جیسے اس میں کھانا نہ ہو“ اور جدید سائنس نے اب یہ بات ثابت کردی ہے کہ کھجور ایک ایسی منفرد اور مکمل خوراک ہے جس میں ہمارے جسم کے تمام ضروری غذائی اجزاءوافر مقدار میں پائے جاتے ہیں۔رمضان المبارک میں افطار کے وقت کھجور کا استعمال اس کی افادیت کا منہ بولتا ثبوت ہے چونکہ دن بھر فاقہ کے بعد توانائی کم ہوجاتی ہے اس لیے افطاری ایسی مکمل اور زود ہضم غذا سے کرنے کی ضرورت ہوتی ہے جو زیادہ سے زیادہ طاقت و توانائی فراہم کرسکے اور کھجور یہ تمام مقاصد فوراً پورا کردینے کی اہلیت رکھتی ہے

کھجور کھانے میں احتیاطیں

کھجور کے ساتھ منقہ یا کشمش نہیں کھانا چاہیے نہ ہی اسے انگور کیساتھ استعمال کریں۔

نیم پختہ کھجور کو پرانی کھجور کیساتھ ملا کر مت کھائیں۔

کھجور کا ایک وقت میں زیادہ استعمال ٹھیک نہیں۔ زیادہ سے زیادہ سات آٹھ دانے کافی ہیں وہ بھی اس صورت میں جب کھانیوالا حال ہی میں بیماری سے نہ اٹھا ہو۔

جس کی آنکھیں دکھتی ہوں اس کیلئے کھجوریں کھانا مناسب نہیں۔

کھجور کیساتھ اگر تربوز کھایا جائے تو اس کی گرمی تربوز کی ٹھنڈک سے زائل ہوجاتی ہے۔

کھجور کیساتھ مکھن استعمال کرنا سنت نبوی صلی اللہ علیہ وسلم ہے۔

جو خواتین دبلے پن کا شکار ہوں وہ تازہ پکی ہوئی کھجوریں اور کھیرے کھائیں بہت جلد اپنے جسم میں نمایاں تبدیلی محسوس کریں گی۔

کھجور کیساتھ انار کا پانی معدہ کی سوزش اور اسہال میں مفید ہے۔

مسلمانوں اور عرب ملکوں کے حوالے سے کھجور کو خصوصی اہمیت حاصل ہے۔ رمضان المبارک کے مہینے میں کھجور کا استعمال پوری اسلامی دنیا میں بہت زیادہ بڑھ جاتا ہے، کیونکہ مسلمانوں کی اکثریت کھجور سے روزہ افطار کر کے سنت محمدی صلی اللہ علیہ وسلم پر عمل کرتی ہے۔ افطارکے موقع پر کھجور استعمال کرنے کی سب سے بڑی حکمت یہ ہے کہ کھجور کی مٹھاس بھوک کی شدت کو بڑی حد تک کم کر دیتی ہے اور اس سے روزہ کھلونے کے بعد بہت زیادہ کھانے کی ضرورت محسوس نہیں ہوتی۔ کھجور کو بجا طور پر صحت بخش غذا کا درجہ دیا جا سکتا ہے، اس میں بے شمار معدنی غذائی اجزا شامل ہیں۔

کھجور کی معتدد اقسام ھیں

انکے نام انکی اشکال انکے ذا‏ئقہ سب مختلف مگر بہت مفید ھوتے ھیں

کاش ھم اپنے روزمرہ کھانوں میں ان لذت و غذايئت بخش کھجوروں کو شامل کرلیں

کھجور۔ ۔ ۔ ایک صحت بخش غذا بھی، دوا بھی

خالقِ کائنات نے انسان کے لئے اس دنیا میں انواع و قسام کی نعمتوں کو عام کیا ہے۔ ۔ ان میں سے ایک بڑی نعمت کھجور ہے جو نبی علیہ السلام کی من پسند غذا تھی۔ ۔۔

حضرت عبداللہ بن عمر رضی اللہ عنہ سے روایت ہے کہ ہم میں سے کچھ لوگ نبی کریم صلی اللہ علیہ وسلم کی خدمت میں بیٹھے تھے۔ ۔ کہ کھجور کا گھابھا آیا۔ ۔ آپ نے ہم سے فرمایا۔ ۔ “درختوں میں سے ایک درخت ایسا ہے جسے اللہ تعالٰی نے ایسی برکت دی ہے جیسے وہ مسلمان ہے۔” میں نے گمان کیا کہ آپ کی مراد کھجور کے درخت سے ہے۔ اور میرا ارادہ ہوا کہ میں جواب میں عرض کروں کہ یا رسول اللہ ﷺ یہ درخت کھجور کا ہے مگر مجبوراً اس لئے چپ رہا کہ اتنے لوگوں میں سب سے چھوٹا تھا۔ ۔۔ پھر نبی کریم صلی اللہ علیہ وسلم نے خود ہی ارشاد فرمایا کہ “وہ درخت کھجور کا ہے۔۔”

ایسی کونسی چیز کھجور کے اندر ہے جس سے صحابہ کرام رضی اللہ عنہم ایک کھجور اور اس کی گھٹلی پر سارا دن گزار دیتے تھے۔ ۔ ۔ کھجور کو اگر طبعی طور پر دیکھا جائے تو اس کے سینکڑوں فوائد سامنے آتے ہیں۔ ۔ ۔

کھجور سے روزہ افطاری سنت رسول ہے۔ ۔

مسلمانوں کو کھجور سے روزہ افطار کی ہدایت فرمائی گئی ہے۔ ۔ لیکن کیا آپ نے کبھی سوچا دن بھر بھوک اور پیاس کی مشقت برداشت کرنے کے بعد روزہ دار کو کھجور ہی سے روزہ افطار کرنے کی ترغیب کیوں دی گئی ہے۔ ۔ ۔؟ دراصل روزہ رکھنے کی وجہ سے جسمانی قوتوں میں کمی پیدا ہو جاتی ہے۔ ۔ ۔ دوسرے، دن بھر کچھ نہ کھانے کی وجہ سے معدے میں تیزابی رطوبتیں اکٹھی ہو جاتی ہیں۔ ۔ ۔ اس لئے افطار ایسی شے سے کرنا چاہیے جو ان دو کیفیات میں مفید ثابت ہوں۔ ۔ ۔ کھجور میں قدرت نے ایسے اہم غذائی اجزاء شامل کر دیئے ہیں جن کی ہمارے جسم کو ضرورت ہوتی ہے۔ ۔ دوسری اہم بات یہ ہے کہ کھجور میں پائے جانے والے نمکیات اور معدنیات معدہ کی بڑھی ہوئی تیزابیت کو اعتدال میں لے آتے ہیں۔ ۔ ۔ اسکے علاوہ ان کی وجہ سے معدہ اور آنتوں پر مسکن (سکون دینے والے) اثرات مرتب ہوتے ہیں۔ ۔ خاص طور پر وہ افراد جو زخم معدہ (السر) کے مریض ہوں، ان کے لئے تو ایسے عالم میں کھجور بے حد مفید ثابت ہوتی ہے۔ ۔۔

اسی طرح یہ بات واضح ہے کہ کھجور سے روزہ افطار، نہ صرف باعث ثواب ہے بلکہ طبی اعتبار سے بھی نہایت اہمیت کا حامل ہے۔ ۔۔ کھجور صرف روزہ افطار کرنے کی صورت میں ہی مفید نہیں۔ بلکہ اس کے اور بہت سے فوائد ہیں۔ ۔ غذائیت کے لحاظ سے یہ ایک بہترین اور مقوی غذا ہے۔

ھمارے ملکوں میں کھجور کھانے کا رواج زیادہ نہیں ہے۔ ۔ بڑے شہروں میں تو کھجور صرف رمضان المبارک میں نظر آتی ہے۔ ۔ اور اس سے روزہ افطار کرنے کا کام لیا جاتا ہے۔ ۔

لیکن افطار میں بھی یہ ہوتا ہے کہ لوگ محض ایک کھجور منہ میں رکھ کر پکوڑوں، دہی بڑوں اور دیگر چٹ پٹی اشیاء کی طرف متوجہ ہوجاتے ہیں۔ ۔ حالانکہ دن بھر کے روزے کے بعد اگر کھجور سے فائدہ اٹھانا مقصود ہی ہے۔ ۔ تو کم از کم چھ سات کھجوریں تو ضرور کھانی چاہئیں۔

آيئے ھم کوشش کریں کہ اپنی روزمرہ کی غذا کے طو ر پر اس رمضان سے کجھور وں کو اپنے کھانے کی زنیت بناتے ھیں

تاریخ اسلام میں سب سے پہلا ہارٹ اٹیک حضرت سعد بن ابی وقاص کو ہوا نبی اکرم نے ان کاعلاج عجوہ کھجور کی گٹھلیاں کھلا کر کیا اور وہ مکمل طور پر صحت مند ہوگئے۔

عجوہ کھجور

عجوہ آج بھی مدینہ کی عمدہ ترین،لذیز ترین اور انتہائی مہنگی کھجور ہے۔

حضرت محمد نے فرمایا کہ “جس گھر میں کھجوریں نہ ہوں وہ گھر ایسا ہے کہ جیسے اس میں کھانا نہ ہو،اور جدید سائنس نے اب یہ بات ثابت کردی ہے کہ کھجور ایک ایسی منفرد خوراک ہے جس میں ہمارے جسم کے تمام ضروری غذائی اجزاءوافر مقدار میں پائے جاتے ہیں۔

حدیث میں آیا ہے کہ نہار منہ اس کے سات عدد کھانے میں زہر اور سحر سے حفاظت ہوگی۔

عالم اسلامی و عالم العربی میں کھجوروں کو بہت ھی خاص مقام حاصل ھے کھجور کا ذکر رشد و ھدایت کی مقدس کتاب قرآن کریم میں بھی آیا ھے اور احادیث میں بھی کھجور کا ذکر کثرت ومحبت کیا گیا ھے

دینا ميں 450 اقسام کی کھجوریں ھیں یہ انتہائ قدیم پھل ھے تاريخ کی کتابوں میں لکھا ھے کہ 6 ھزار سال قبل سے کھجور کی کاشت و تجارت کی جاتی تھی

مجھے اس بات کی بہت خوشی ھوئ کہ دینا کے 20ممالک جو کھجور کی پیداوار میں اپنا نام رکھتے ھیں ان میں پاکستان بھی شامل ھے

اس  مضمون کی تیاری میں گوگل سرچ سے بھی مدد لی گئی ہے