اسپین کے شہر ویلنشیا میں ایک دوسرے پر ٹماٹر پھینکنے کا سالانہ میلہ جاری ہے جو ہر سال منعقد ہوتا ہے اور اس میں ہر عمر کے افراد شرکت کرتے ہیں۔

اس دلچسپ میلے میں ٹماٹر برسانے کے لئے دس یورو فیس رکھی گئی ہے۔

 ٹماٹر بازی اس قدر شدید تھی کہ شہر کی سڑکیں سرخ تالابوں کا منظر پیش کرنے لگیں۔ میلے میں ہزاروں لوگ شریک ہیں جنہوں نے ٹماٹر مار مار کر ایک دوسرے کو لال کر دیا اور بے حال ہوگئے۔

اسپین کے قصبے بول میں ٹماٹر پھینکنے کے سالانہ میلے’ٹومیٹینا’ میں ہزاروں کلوگرام ٹماٹر استعمال کیا جاتا ہے۔

روایتی میلے میں لوگ تنگ گلیوں میں جمع ہو کر ٹرکوں سے ٹماٹر اٹھا کر ایک دوسرے پر پھینکتے ہیں۔ سالانہ میلے میں غیرملکی سیاح بھی شرکت کرتے ہیں۔

ٹماٹر پھینکنے کے سالانہ میلے کا آغاز انیس سو پینتالیس میں اسپین کے شہر ویلنیسا سے ہوا تھا۔ اس میلے کے لئے ملک بھر سے بھی خصوصی طور پر ٹماٹرمنگوایا جاتا ہے۔

میلے کے پہلے دن لوگوں نے ایک دوسرے پر ایک سو تیس ٹن ٹماٹر پھینکے۔  اپنی نوعیت کا یہ منفرد میلہ کئی روزجاری رہے گا۔