عالمی اخبار کے مدیر اعلیٰ اور شاعر وادیب اور دانشور صفدر ھمدانی لندن سے جرمنی کے تین روزہ دورے پر فرینکفرٹ پہنچ گئے ہیں۔ہوائی اڈے پر انکا استقبال جرمنی میں عالمی اخبار کے بیورو چیف طاہر ملک نے کیا

اس علمی ادبی دورے کے دوران میں انکی مصروفیات میں ہفتہ اکیس ستمبر کو یوم آزادی پاکستان کے حوالے سے خصوصی تقریب میں مہمان خصوصی کی حیثیت سے شرکت ہے۔ اس تقریب کی صدارت فرینکفرٹ میں پاکستان کے قونصل جنرل امتیاز اے قاضی کریں گے
تقریب کا اہتمام پاک یورو جرنلسٹس فورم،فن و ادب ایسوسی ایشن فرینکفرٹ اور پنجابی ادبی سنگت فرینکفرٹ نے کیا ہے

فرینکفرٹ آمد کے بعد جناب صفدر ھمدانی نے پاکستانی قونصل خانے میں طاہر ملک کے ہمراہ قونصل جنرل جناب امتیاز اے قاضی سے ملاقات کی اور عالمی اخبار کے لیئے انکی ادب کے حوالے سے گفتگو ریکارڈ کی۔ اسی سلسلے کی ایک اور ریکارڈنگ اگلے روز بھی کی جائے گی
جناب امتیاز اے قاضی کو یہ امتیاز حاصل ہے کہ وہ ایک فعال اور با صلاحیت سفارتکار ہونے کے علاوہ خیام، غالب اور اسی پائے کے کلاسیک شاعروں کو انگریزی میں ترجمہ کرنے کے حوالے سے اعلیٰ ادبی حلقوں میں منفرد مقام رکھتے ہیں

جناب امتیاز اے قاضی کی یہ ریکارڈنگ بہت جلد عالمی اخبار کے ملٹی میڈیا میں پیش کیا جائے گا