فرینکفرٹ میں یوم آزادی پاکستان کی مناسبت سے خصوصی تقریب اور مشاعرہ ہفتہ اکیس ستمبر کی سہ پہر منعقد ہوا جس میں بڑی تعداد میں شعرا اور خواتین و حضرات سامعین نے شرکت کی

اس تقریب کا اہتمام فن وادب سوسائٹی، پنجابی ادبی سنگت اور پاک یورو جرنلٹس فورم نے کیا تھا اور اسمیں جرمنی کے مقامی شعرا کے علاوہ لندن،پاکستان اور سعودی عرب سے آئے شعرا نے بھی شرکت کی۔

تقریب دو حسوں پر مشتمل تھی جسکا آغاز تلاوت کلام پاک سے ہوا اور یہ سعادت جناب آفتاب حسین کو ملی جسکے بعد نعت رسول مقبول محمد شبیرکھوکھر نے پیش کی جسکے بعد طاہرہ رباب اورحاضرین نے مل کر پاکستان کا قومی ترانہ پیش کیا پیش کیا جسکے احترام میں سبکو لوگ بادب کھڑے رہے

چودہ اگست کے حوالے سے جرمن زبان میں تاریخِ پاکستان کے عنوان سے ہونہار طالب علم محمد علی نے اپنا مضمون پیش کیا

...................................

.

جناب عرفان خان نے قیام پاکستان کے حوالے سے سیر حاصل مقالہ پیش کیا جس میں متعدد نزاعی نکات کو بنیاد بنایا گیا جنکا جواب صدر محفل رینکفرٹ میں پاکستان کے قونصل جنرل امتیاز اے قاضی نے نہایت مدلل طور پر اپنی تقریر میں دیا۔ اکثریتی احباب کا خیال تھا کہ پاکستان کی یوم آزادی کی تقریب کے حوالے سے ایسے متنازعے نکات پیش نہیں کیئے جانے چاہیئے تھے

 تقریب کے اس حصے میں مندرجہ ذیل شعراء کرام نے اپنا کلام پیش کیا

جناب صفدر ھمدانی ، طفیل خلش ۔مسعود احمد مسعود ۔ سلیم کاوش ۔ طاہرہ رباب ۔ شریف خالد ۔ رضوان احمد رضوان ،محمد نواز ۔ راشد ملک رامش۔سلیم بھٹی ۔ بصرہ احمد ۔ آفتاب حسین ۔ عبد ا لرؤف ۔ اسحاق اطہر ۔ بشارت احمدبشارت ۔ محمد اشرف اور شفیق مراد ۔

جرمنی کے مقبول شاعر راشد ملک رامش کی پیش کردہ خوبصورت غزل

جرمنی کے مقبول شاعر راشد ملک رامش کی پیش کردہ خوبصورت غزل

دنیا بھر میں نوے فیصد سے زیادہ پاکستانی تقاریب کا طرہ امتئیاز تاخیر بلکہ بہت زیادہ تاخیر سے شروع ہونا ہے اور اس مناسبت سے یہ تقریب بھی اس سے مبرا نہیں تھی اور ہال کو مقررہ وقت پر خالی کرنے کی وجہ سے آخری شعرا اور مقررین کو چند منٹوں میں ہی اپنا کلام اور گفتگو ختم کرنا پڑی