برطانیہ سے جانے والے حجاج کرام کی ایک خاسی بڑی تعداد کو ہر سال جعلی اور نمبر سفری دلالوں کی زیادتیوں اور دھوکہ دہی کا اشنہ بننا پڑتا ہے اور اس سال بھی اس قسم کی متعدد شکایات موصول ہوئی ہیں جن میں تا زہ ترین جمعہ چار اکتوبر کی ہے

حاجیوں کو حج و زیارات کے لیئے خاصے لے جانا بہت بڑا بزنس بن چکا ہے اور اس بزنس میں اب نوے فیصد لگ بھگ تمام مسالک کے ملاں مولوی شامل ہیں جو کسی نہ کسی طرح سے براہ راست اس دھندے میں ملوث ہیں۔ کمیشن کی بنیاد پر ان ملاں مولویوں نے سفری دلالوں اور ایجنٹوں کے ساتھ روابط رکھے ہوئے ہیں فی کس حاجی پر ان سفری دلالوں سے کمیشن بھی وصول کرتے ہیں اور خود مفت میں حج بھی کرتے ہیں اور کمائی اسکے علاوہ۔

ملنے والی معلومات کے مطابق لندن کے معروف سفری دلال نے ایک بار پھر حجاز مقدس کے قصد سے  سفر پرجانے والے ستر افراد کو لوٹ کر راہ فرار اختیار کر لی معلوم ہوا ہے کہ  2013میں ان حاجیوں  سے تین ہزار پونڈ فی کس لوٹ کر غائب ہو گیا ۔۔۔

 اطلاعات مطابق ایسٹ لندن کے اس سفری دلال نے حج پر افراد کا انتظام  اپنے زمے لیا مگر وہ اس میں ناکام رہا  یہ سفری د لال اس سے پہلے بھی مسافران سعودی عرب کے ساتھ ہاتھ کر چکا ہے اور اس بار تو پاسپورٹ اور رقم لے کر غائب ہو گیا ہے ۔۔۔ اور جانے والے مسافر پریشان حال  اس سفری دلال کی تلاش میں ہیں

 اس قافلے نے چار اکتوبر کو لندن کے ہوائی اڈے سے روانہ ہونا تھا۔۔ اور کچھ افراد تو لندن کے ہوائی اڈے سے واپس گھر کو لوٹ گئے ۔کیوں کہ پروگرام کے مطابق انہوں نے اسی تاریخ کو حجاز مقدس کو سفر کے لئے روانہ ہونا تھا مگر سفری دلال ہوائی اڈے پر موجود نہ تھا ۔۔۔۔ جبکہ کچھ قافلے کے افراد کو پہلے سے ہی بھنک پڑی گئی تھی کہ کچھ گڑبڑ ہے اس لئے وہ ہوائی اڈے پر نہیں گئے

انہوں  اپنے پاسپورٹ اس سفری دلال سے طلب کئے جس پر اس نے ان کے پاسپورٹ تو واپس کر دیے مگر ان میں نہ تو سفری جواز کا اجازت نامہ تھا بلکہ کچھ پاسپورٹ کے تو صفحات ہی غائب کر دئے گئے 

 ہمارے نمائندہ نے ان پاس پورٹ کی تصاویر بھی حاصل کرنے کی کوشیش کی مگر جن مسافران نے پاس پورٹ ہیں انہوں نے اپنا نام اور کوائف ظاہر کرنے سے منع کیا ہے 

اس سفری دلال کے بارے میں ٢٠١٠ میں بھی کچھ اسکینڈل سامنے آئے تھے جس پر عالمی اخبار اور لندن کے رہائشی جو ٢٠١٠  سفر حجاز پر  گئے تھے واپسی پر اسی قسم کی حرکات کی گئی تھیں جن میں رہائشی مسائل کے علاو سفری جواز نامے غائب کرنا شامل تھے جو کہ بعد میں پولیس کے ذریعے برامد کروائے گئے تھے۔ ۔۔

اس سلسلے میں کچھ اور معلومات حاصل کرنے کی کوشیش کی جا رہی ہے جسے ہی اطلاعات موصول ہوئی قارئیں کی مطلع کر دیا جائے گا ۔۔۔معلوم ہوا ہے اس سفر حجاز پر جانے والے قافلے میں پورے یوکے سے افراد شامل تھے کچھ افراد تو اسکاٹ لینڈ گلاسگو برمنگھم مانجسٹر سے بھی آئے تھے 

اس حوالے سے کچھ اطلاعات اور بھی موصول ہوئی ہیں جنکے مطابق )

 برطانوی عازمین کے ساتھ اس سال بڑے پیمانے پر فراڈ ہونے کی اطلاعات ملی ہیں اور نام نہاد حج ٹریول نے ہزاروں افراد کے لاکھوں پونڈ ہڑپ کرگئے ہیں جبکہ 191افراد کو لاکھوں پونڈ کا چونا لگانے والا مانچسٹر کا ایک ایجنٹ ایک ٹی وی چینل کو بھی دھوکہ دہی سے استعمال کرگیا اور خود کو مظلوم ظاہر کرکے اس نے ٹی وی پر اپنی جعلی داستان سنائی جس کے بعد خود کو دیوالیہ کردیا اور لوگوں کے لاکھوں پونڈ خوردبرد کرلئے

 قانون کے تحت کمپنی کو دیوالیہ کے جانے کے بعد اب اس کے گاہکوں کو اس سے پیسے واپس طلب کرنے کا حق حاصل نہیں ہے۔  مانچسٹر کی حج ٹریول کمپنی ایشٹن ٹریول کے خلاف شکایات  ہیں کہ لوگوں کا کہنا ہے کہ کمپنی کے مالک صابر رضا نے ان سے حج ویزے لگانے اور حجاج مقدس میں سارے انتظامات کرنے کے لئے تین ہزار سے 35 سو پونڈ ادا کئے تھے مگر انہیں دو تین روز قبل یہ معلوم ہوا ہے کہ وہ حج پر نہیں جاسکتے کیونکہ ان کے ویزے ہی نہیں لگے۔ 

اس پر جب انہوں نے صابر رضا سے رابطہ کیا تواس نے یہ موقف اختیار کیا ہے کہ اس کے ساتھ لندن کی ایک ٹریول ایجنسی نے دھوکہ کیا ہے اور اسے ویزے نہیں لگا کردیے گئے۔ تاہم جب 

 لندن کے ٹور ایجنسی کے مالک جمال اختر سے رابطہ کیا تو انہوں نے اس بات کی تصدیق کی کہ وہ چھ سو سے چھ سو پچاس عازمین کے ویزے نہیں لگ سکے مگر انہوں نے ایجنٹوں کو ساری رقم واپس کردی ہے۔اس طرح مختلف ایجنٹوں نے فراڈ کی ذمہ داری ایک دوسرے پر ڈال کر خود کو مظلوم ظاہر کردیا ہے جبکہ سامان باندھ کر بیٹھے ہوئے ان عازمین کی حج پر جانے کی خواہش حسرت بن کر رہ گئی ہے جنہوں نے ٹریول ایجنٹوں کو ہزاروں پونڈ ادا کئے تھے

لندن کے عبدالرحمن نےبتایا ہے کہ انہوں نے اور اس کے دوست نے ایشٹن ٹریول مانچسٹر کے صابر رضا کو 34-34 سو پونڈ ادا کئے تھے اور انہیں بتایا گیا تھا کہ وہ اکتوبر کے پہلے ہفتے میں حجاز مقدس روانہ ہوں گے انہیں یہ بھی بتایا گیا تھا کہ ان کے ویزے لگ گئے ہیں ٹکٹ بن چکے ہیں اور مکہ ومدینہ میں ہوٹل بک ہوچکے ہیں، مگر دو روز قبل ان پر یہ بجلی گرادی گئی ہے کہ کسی دھوکہ باز ایجنٹ نے صابر رضا کے ساتھ دھوکہ کردیا ہے جس کے بعد اس نے اپنی کمپنی کو دیوالیہ کردیا ہے۔ 

عبدالرحمن نے کہا کہ صابر شاہ کا کہنا ہے کہ اس کے ساتھ دھوکہ ہوا ہے اور اس نے اس کی اطلاع ایک ٹی وی نیوز چینل کو بھی دی تھی جس میں اس کی فٹیج چلتی رہیں ہے۔ انہوں نے کہا کہ ایجنٹ نے ان کے پاس واپس کردیے ہیں تاہم ان کے پیسے ڈوب گئے ہیں انہوں نے کہا کہ ان کے ساتھ مذہب کے نام پر فراڈ کیا گیا ہے جبکہ برمنگھم کے ناز احمد کا کہنا ہے کہ ان کے اور ان کے خاندان کے ساتھ بھی خدام الحاج آشٹن ٹریول مانچسٹر نے بڑا دھوکہ کیا تھا ان سے پیسے لئے گئے اور بتایاگیا کہ ان کے ٹکٹ ہوئی وغیرہ تک نہیں اور انہوں نے یکم اکتوبر کو فلائی کرنا ہے۔ 

مگر اس سے قبل ہی اس ایجنٹ نے ایک ٹی وی چینل پر یہ واویلا کردیا کہ اس کے ساتھ دھوکہ ہوگیا ہے۔ جب انہوں نے اس سے رابطہ کیا تو اس نے بتایا کہ وہ معاملے کو دیکھ رہا ہے۔ ناز احمد نے کہا کہ انہیں لوٹ لیا گیا ہے۔ان کے پیسے بھی گئے اور حج کرنے کی خواب بھی شرمندہ تعبیر نہیں ہوا۔ انہوں نے کہا کہ ایجنٹ نے ان بہت سی کہانیاں سنائیں اور قرض حسنہ تک مانگا تاکہ وہ کسی دوسرے ایجنٹ سے زیادہ پیسے دے کر ویزے حاصل کرسکے۔ انہوں نے کہا کہ اب یہ ایجنٹ دیوالیہ ہوچکا ہے اور اس کا کہنا ہے کہ متاثرین انشورنس کلیم کرسکتے ہیں کیونکہ اس کی کمپنی انشورڈ تھی۔ مگر جب انہوں نے انشورنس کمپنی سے رابطہ کیا تو معلوم ہوا کہ یہ انشورنس محض بیرون ملک کسی حادثے کی صورت میں ہی کلیم کی جاسکتی ہے

یہ ایسی چند گندی مچھلیاں ہیں جو سارے تالاب کو گندا کرتی ہیں۔ ہمارے اپنے ذاتی علم میں ایسے خدا ترس لوگ بھی ہیں جو اس نیک کام کو انتہائی ایمانداری سےکسی منافع کے بغیر کرتے ہیں اور بلاشبہ ایسے لوگ اللہ پاک سے اجر عظیم کے حقدار ہیں۔

گزشتہ سال لندن کے قریب سلاؤ اور برمنگھم کے دو سفری دلالوں کو مقامی عدالتوں سے بڑے جرمانے اور قید کی سزائیں بھی ہو چکی ہیں لیکن ان بے خوف لٹیروں کو نہ تو اپنی آخرت کی پرواہ ہے اور نہ ہی غیر مسلم معاشرے اور ملک میں اسلام کو بدنام کرنے کا کوئی ڈر ہے۔ بلاشبہ یہی وہ لوگ ہیں جو جہنم کا ایندھن بنیں گے

مزید تفصیلات اگلی قسط میں