معروف ڈاکٹر ، پاکستان آسٹریلیا ایسوسیشن کی وائس پریزیڈنٹ  افسانہ نگار اور نظم کی شاعرہ اور عالمی اخبار کی نائب مدیر ڈاکٹر نگہت نسیم نے سڈنی میں پارلیمنٹ میں " وومن انٹرنیشنل ڈے " یعنی خواتین کے عالمی دن کے موقع پر بروز  جمعرات  6 مارچ کو خطاب کیا اور ڈومیسٹک وائلینس پر اپنا تجزیہ اور تجاویز پیش کی ۔ تقریب کا آغاز آسٹریلیا اور پاکستان کے قومی ترانے سے کیا گیا  ۔ کمپرینگ کے فرائض پاکستان آسٹریلیا ایسو سیشن کی جرنل سیریٹری شفق جعفری اور فاریضا  نے کی ۔ پاکستان آسٹریلیا ایسوسیشن کے صدر اعجاز خان نے مہمانوں کو خوش آمدید کہا ۔ تقریب میں وومن منسٹر ، شیڈو وومن منسٹر صوفی کوٹس ، اور پہلی پاکستانی پارلیمنٹرین مہرین نے بھی خطاب کرتے ہوئے پاکستانی کمیونٹی کی خدمات کو سراہا ۔ 

تقریب میں  آسٹریلیا کے معروف پاکستانی کارباری اور سیاسی شخصیات نے شرکت کی ۔۔۔۔۔ خطاب کے دوران  ہال مہماناں گرامی سے بھرا ہوا تھا اور پارلیمنٹ میں آسڑیلیا کے مقامی باشندوں کے علاوہ پارلیمنٹیرز نے بھی شرکت کی ۔ خطاب کے بعد معروف شخصیات نے ڈاکٹر نگہت نسیم سے مختلف امور پر بات چیت اور ملاقات کی اور ان کی تقریر کو سراہتے ہوے کہا کہ جن امور پر ڈاکٹر صاحبہ نے اہم نکات پارلیمنٹ میں اُٹھائے ہیں ،خاص طور پر " ڈومیسٹک وائلنس " پر آسٹریلیا ہی نہیں بلکہ  تمام دنیا ان مظالم پر سراپا احتجاج ہے اور امید کی جا رہی ہے کہ بہت جلد ان کو اہم امورکی اہمیت کو جان کر ان مسائل کا حل تلاش کیا جائے گا ۔۔۔۔