اسپین کے بادشاہ  شاہ ہوان کارلوس نے40برس تخت نشین رہنے کے بعد تخت ہسپانیہ سے علیحدگی کا اعلان کردیاہے۔ تخت ہسپانیہ سے علیحدگی کا اعلان ہسپانوی باشاہ کارلوس نے ٹیلی ویژن سے خطاب کے دوران کیا۔

انہوں نے کہاکہ اب وقت آگیا ہے کہ اقتدار نوجوان نسل کے حوالے کردیا جائے تاکہ وہ نئی توانائی کے ساتھ ملک کو چلاتے ہوئےترقی کی راہ پر گامزن کریں۔ شاہ ہوان کارلوس کے بیٹے شہزادہ فلپ نئے بادشاہ کا تاج پہنیں گے۔ اپنے دور حکومت کے دوران جان کارلوس اسپین کے عوام میں انتہائی مقبول رہے ہیں تاہم کہا جا رہا تھا کہ گزشتہ کچھ عرصے سے لوگوں کا ان پر اعتمادکم ہوا ہے۔

انکی شہرت کو سب سے بڑا دھچکہ انکی بیٹی اور اسکےشوہر کے خلاف بدعنوانی کے مقدمے کی وجہ سے لگا تاہم اسکے علاوہ وہ گزشتہ کچھ عرصے سے صحت کے مسائل سے بھی دوچار ہیں۔ 

دوہزار بارہ میں جب اسپین تاریخ کے بد ترین مالی بحران سے دوچار تھا اس وقت جان کارلوس بوسٹوانا میں ہاتھیوں کے ہمراہ مہنگے ترین دورے پر چلے گئے تھے جس نے انکی شہرت کو بہت زیادہ داغدار کیاتھا۔ اسپین کے وزیر اعظم مالانو راجاو نے بادشاہ کے فیصلے کو سراہتے ہوئے کہاکہ شاہ ہوان ملکی مفاد کے بہت