چین نے تائین ہی ٹونامی سپر کمپیوٹر تیار کرلیا ہے جو ایک سیکنڈ میں 54اعشاریہ9ہزار ٹریلین سے زائد اعداد و شمار میں جمع تفریق کرنے کی صلاحیت رکھتا ہے۔390ملین ڈالر کی لاگت سے تیار ہونے والے اس سپر کمپیوٹر کو ڈیزائن کرنے میں1ہزار300انجینئرز کودو سال کا عرصہ لگے اور اسے سینکڑوںریفریجریٹرز جتنے بڑے کیبنٹ میں سمایاگیا ہے۔ تائین ہی ٹو نامی یہ سپر کمپیوٹر امریکا کے ریکارڈ ہولڈر سپر کمپیوٹرکرے ایکس ٹی فائیوسے بھی کئی گنا زیادہ طاقتور ہے ۔

واضح رہے کہ دنیا کے طاقتور ترین سپر کمپیوٹرز کی لسٹ مرتب کرنے والے ادارے ٹاپ500 کی جانب سے جاری کی گئی43ویں سالانہ فہرست میں تائینہی ٹو پہلی پوزیشن پر موجود ہیں جو چین کی نیشنل یونیورسٹی آف ڈیفنس ٹیکنالوجی میں انسٹال کیا گیا ہے۔500سپر کمپیوٹر کی اس فہرست میں233کمپیوٹر کیساتھ امریکا سرِ فہرست،76کمپیوٹر کیساتھ چین دوسرے،برطانیہ30،فرانس27اور جرمنی 23کمپیوٹرز کیساتھ بالترتیب تیسرے،چوتھے اورپانچویں نمبر پر موجود ہیں۔