اس سال روزے کا دورانیہ عمومی 16 گھنٹے یورپ میں بیس گھنٹے کے قریب ہے۔ طبی ماہرین کہتے ہیں کہ طویل روزے کے دوران صحت کو برقرار رکھنے کے لئے ضروری ہے کہ سحر اور افطار میں پروٹین سے بھرپور غذائیں استعمال کی جائیں۔رمضان المبارک کے دوران گھروں میں سحر اور افطار کا خاص اہتمام کیا جاتا ہے۔

من پسند پکوان دسترخوان کی زینت بنتے ہیں۔طبی ماہرین کا کہنا ہے کہ پراٹھے ،دہی اور لسی کا استعمال دن بھر توانائی بحال رکھنے میں مددگار ہوتا ہے۔جوس اور ملک شیک پئیں،کھجور اور گوشت بھی کھائیں۔

طبی ماہرین نے حاملہ خواتین کو مشورہ دیا ہے کہ اگر وہ روزہ رکھیں تو سحری کے وقت ایک کٹوری ابلی ہوئی دال ضرور کھائیں جبکہ شوگر اور بلڈ پریشر کے مریض ادویات کو جاری رکھتے ہوئے روزہ رکھ سکتے ہیں تاہم تلی ہوئی اشیاء اور مصالحہ جات سے پرہیز کریں۔

طبی ماہرین کا یہ بھی کہنا ہے کہ برسات کے موسم میں افطاری کے وقت ضرورت سے زیادہ پانی نہیں پینا چاہئے۔ متوازن خوراک ہی صحت کا ضامن ہے۔