سابق ڈپٹی اسپیکر قومی اسمبلی بیگم اشرف عباسی لاڑکانہ میں انتقال کرگئیں۔ ان کی نمازجنازہ آج پیر کی صبح دس بجے اداکی گئی۔ بیگم اشرف عباسی کی عمر اناسی سال تھی ۔آپ قمبرشہدادکوٹ ، لاڑکانہ سے دو مرتبہ رکن قومی اسمبلی منتخب ہوئیں اور کافی عرصے سے علیل تھیں۔ بیگم ڈاکٹر اشرف عباسی پیپلزپارٹی کےبانی ذوالفقار علی بھٹواوربینظیربھٹو کےقریبی ساتھیوں میں شامل تھیں اور ان کو قومی اسمبلی کی پہلی خاتون ڈپٹی اسپیکرہونے کا اعزاز بھی حاصل ہے۔ بیگم اشرف عباسی کے دو بیٹےمنورعباسی اور پی پی کےناراض رہنما صفدر عباسی میدان سیاست میں فعال کرداراداکررہے ہیں۔ بیگم اشرف عباسی کی نمازجنازہ پیرکی صبح دس بجےولید محلہ عباسی کلہوڑہ ہاؤس اداکی جائےگی۔