دس لاکھ ڈالر (تقریباً دس کروڑپاکستانی روپے) اگر کوئی ایک بار بھی جیت لے تو اس کی کئی نسلیں آسودہ حال ہو جائیں لیکن ایک امریکی شخص نے محض تین ماہ کے دوران یہ لاٹری دو مرتبہ جیتی۔ رابرٹ ہملٹن نامی شخص کا تعلق انڈیانا پولس شہر سے ہے اور اس کی پہلی دفعہ10کروڑروپے کی لاٹری اپریل میں جیتی جبکہ دوسری دفعہ حال میں وہی انعام اس کا دوبارہ مقدر بن گیا ۔ہملٹن کا کہنا ہے کہ وہ پہلے انعام سے اپنے قرضے ادا کرے گا، اپنے والد کے لئے ایک ٹرک خریدے گا اور ساحل پر چھٹیاں گزارنے جائیگا جبکہ دوسرے انعام سے اس نے ابھی صرف موٹرسائیکل خریدنے کا فیصلہ کیا ہے۔
سائنس دانوں نے انکشاف کیا ہے کہ بڑے گوشت خور ڈائنو سار گزشتہ پانچ کروڑ برسوں میں سکڑ سکڑ کر پرندے بن گئے ہیں، تھیروپوڈنسل کے بعض ڈائنوسار 12 گنا سکڑ کر 163 کلو سے 800 گرام تک گھٹ کر پرندے بن گئے۔ سائنس دانوں نے دریافت کی کہ تھیروپوڈوہ واحد ڈائنو سار تھے جو مسلسل سکڑتے رہے،ان کے ڈھانچے چار گنا زیادہ تیزی سے تبدیل ہوئے جس سے انہیں اپنی نسل کی بقا میں مدد ملی۔ اس نسل کے ڈائنوساروں میں ٹی ریکس اور ویلوسی ریپٹر جیسے معروف ڈائنوسار شامل ہیں۔ یہ تحقیق جریدے سائنس میں شائع ہوئی ہے۔ اس سے قبل کی جانے والی تحقیق سے ظاہر ہوا تھا کہ تھیروپوڈ ارتقائی مراحل سے گزر کر جدید پرندوں کے روپ میں ڈھل گئے تھے۔ حالیہ ریسرچ میں سائنس دانوں نے مالیکیولر بیالوجی کے جدید ترین طریقے استعمال کرکے ڈائنو ساروں اور قدیم پرندوں کی 120 نسلوں کے جسموں کی 1500 سے زیادہ خصوصیات کا مطالعہ کیا اور ایک تفصیلی شجرہ بنانے میں کامیاب ہوگئے